「突然發現女朋友識我前女友」 騰雞港男急問點算好？ ｜Juicy叮
更新時間：14:26 2023-02-02
發佈時間：14:26 2023-02-02
發佈時間：14:26 2023-02-02
字體大小
有網民近日緊急發帖詢問全能網民意見，指「突然發現女朋友識我前女友」，不知應否自首。
樓主先講述背景，指前女友是其中學同學，畢業後無見面亦無聯絡。但有一日，現任女朋友跟朋友去party room（派對房）消遣，由於不認識女友的朋友，於是無做跟得男友。樓主翌日看女友ig story時，卻驚見前女友出場。
事隔數日驚魂甫定後，樓主鼓足勇氣問女朋友「呢個女仔之前未見過嘅？」，獲女朋友回覆指，「係佢大專同學的朋友，約埋出嚟一齊玩」，其女友還指兩人好啱傾，「直頭係相逢恨晚」，而且「仲想下次叫埋我一齊去」。
網民回應：
面對如此尷尬局面，樓主糾結「我係咪應該自首話畀女朋友知佢宜家個好朋友係我前女友」，「定係等到真係約出去個陣睇下前女友有咩反應先再決定講唔講？」。
回應的網友大多建議自首為上，直指「自首」、「世界真細小，快啲自首啦」、「唔講後悔」，而且「一定要先過佢發現，唔係死梗」。有網民則坦言，「哇你大鑊喇，自唔自首你都好大鑊」。
另有網民感慨「山水有相逢」、「距離3人行又近一步」，另有人陰謀論，反問「會唔會係魔女復仇記」。
帖文來源：香港討論區
同場加映：
火鍋升起烈焰淡定哥處變不驚 做廚網民知搶火原因......【有片】
有網民食火鍋時直擊到火鍋搶火實況，鄰枱食客其中一個鍋烈焰沖天，見識了名副其實的「火」鍋。
在網上流傳的短片長10秒，事主枱上放滿食材，但其中一鍋卻火光熊熊，且有愈燒愈烈之勢。坐於卡位的事主卻不慌不忙，定眼望著火光，鄰座還有一位工作人員也若無其事地工作。
真．火鍋實況及網民回應：
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
