張致恒欠債連累老婆IG被轟炸追數兼數臭 雯雯發長文割席明言冇錢還
發佈時間：22:00 2023-02-07
張致恒（Steven）2019年與粉絲老婆區燕雯（雯雯）奉子成婚後，負面新聞不斷，曾被指「一腳踏五船」、借錢不遇。兩人更多次鬧婚變，雯雯多次公開批評老公不是，更怒插張致恒又癈又懶，不願照顧3個兒子，言談間更暗示將會做單親媽媽。今日（7日）雯雯再次在IG發長文，明示收到不少訊息轟炸，當中內容更涉及追數、出軌等，不過雯雯似乎與張致恒畫清界線，明示自己亦沒綫，即使老公出軌亦不會影到到她的生活或情緒。
【點擊睇雯雯發長文】：
雯雯在IG限動能發表長文：「只會講一次，亦不會私下回覆所有，所以唔需要不段聶（轟）炸我。」之後她分幾點敍述，首先提到老公的欠債問題：「1. 如果你搵我係想講我老公，曾經問你借錢，而又未還錢嘅，好抱歉，我都冇錢。」似乎有不少張致恒的債主透過IG向雯雯追債。
之後雯雯提到似乎收到不少訊息批評張致恒為人，甚至大爆他出軌，不過雯雯坦言對她並無影響：「2. 如果你搵我係想講我老公，佢係一個咩人，人格係點，有咩缺點，我諗我同佢認識咗10幾年，結咗婚4年，都應該夠了解。3. 如果你搵我係想講，同過我老公有嘢又或者佢出軌，我諗我只可以答你，就算係事實，其實對我都冇乜影響，我相信目前嘅我唔會因為呢啲咁嘅嘢，而影響到我嘅生活，又或者情緒。再講，我選擇得同一個公眾人物結婚，我諗好難勉（免）有好多個唔同嘅你哋出現搵我。」
雯雯最後總結謂：「最後，如果你哋任何一個想公開曝光一切，你哋即管可以做，不會影響到我。不過你哋公開，佢冇工作，一樣不會有錢比（畀）你地，你哋話希望將所有嘅事實放喺我心裏面，其實冇咁嘅必要，我選擇得而家嘅路我就要自己去承受。」而雯雯亦表示即使她與張致恒有朝一日要離婚，亦與張致恒跟其他人的故事無關：「如果你哋嘅目的係想我哋離婚，我諗我可以同你講我已經有我嘅路行，若果我真係要離婚，我諗我可以有好多原因，但係一定唔會係因為一個又一個嘅你地嘅故事。」
【其他閱讀】：
李元元操刀為Lucy媽影九個月孕照 一危險舉動網民擔心家居安全
程可為堅拒結婚唔覺係一種幸福 拒認係富婆：如果係就唔使喺TVB捱
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
