首位香港AV女優素海霖連拍兩作品大玩男友視角公開拍攝細節數度痛到嗌Cut

更新時間：14:30 2023-03-16
發佈時間：14:30 2023-03-16

現年25歲的素海霖（Erena）近日宣布進軍日本AV界，成為日本成人片商FALENO旗下首位來自香港的專屬女優，並以藝名「絵麗奈」於本月底正式出道。該消息一出引起全城關注，不少傳媒都爭相報道，其中她就接受了網台毛記電視節目《國家級任務》訪問，親揭踏上AV之路的心路歷程及拍攝細節。

【點擊睇素海霖訪問】：

素海霖曾透露12歲開始接觸成人影片（AV），一開始是無意間在網上討論區看到色情照片，好奇心驅使下啟發她探索AV，從而令她逐漸對此行業產生興趣，之前更發電郵去日本色情片製作公司自薦，雖然當時遭拒，但她沒有放棄，後來透過台灣製作公司牽線而獲得機會赴日拍攝。素海霖坦言真心鍾意做愛：「我真係好想做（AV女優），我想做唔係一時三刻，我係諗咗年幾，年幾入面我發過三次夢，我係做得成架，哈哈！我覺得愈唔容易嘅嘢愈要做，因為咁容易嘅嘢可能一早有人做咗，同埋我係第一個，所以我更加要努力去做。」

首次在鏡頭前裸露的素海霖表示事前仍很害怕，但簽約一刻心理上已準備好，當抵達拍攝現場得悉對手是日本著名AV男優清水健後，她形容對自己來說是禮物，還對清水健讚不絕口：「佢個人好Nice、好幽默，同埋佢會帶我入戲，因為佢知我唔識，例如應該點就個鏡頭或轉位置，對比其他對手佢都算溫柔。」

此行在日本一共逗留九日，每日由朝早7時拍到晚上8時，最後花了六日時間完成拍攝，素海霖透露已拍了兩套作品，全部廣東話演繹，並大方公開細節：「我唔知佢會點樣分配啲內容。（好似典型AV一樣，首部作品包含自我介紹及感受？）係呀，好似男朋友視角自拍咁樣做，拎住個錄影機普通做愛，但可能有唔同嘅感受，因為有唔同人。」不過，素海霖表示至今仍未看過製成品及預告片，皆因她說不太喜歡自己個樣：「我諗住唔睇，我唔夠膽睇！」

問到拍攝前有何準備功夫？素海霖稱沒有刻意減肥，反而臨拍前有睇AV：「睇啲我鍾意嘅人。（有冇模仿對象？）其實冇架，做返自己囉，你模仿得幾多啫，做做吓都已經唔記得咗啦，哈哈。」她指，拍攝時大部份都是一氣呵成，又謂當地團隊十分尊重女優，著她若有不適可馬上叫停，素海霖憶述：「我真係試過有兩、三次嗰陣唔知做咩事痛，個身體唔聽話，跟住我嗌咗停，停咗一陣就再嚟過。（困難之處？）突然之間真係諗唔起，因為喺我嘅回憶都係覺得好開心、好享受，亦都好想快啲下次再拍。」不過，身為家中獨生女的她自爆，由入行到出道都不曾跟父母商討，而昨日（15日）消息出街後，家人至下午也未跟她聯絡，她希望有一天會獲得雙親理解。