一舞傾城丨陳星妤獲富商垂青開價800萬包養一周 媽媽袁潔儀竟力勸：同踩單車出血冇分別
發佈時間：22:55 2023-05-19
王晶監製TVB新劇《一舞傾城》自周一播映以來，因劇情尺度極大，引起網民熱烈討論。今集劇情講到姚子羚飾演的助理媽媽生「Michelle」與楊明飾演的「卓志飛」，成功營救遭「糯米雞」王俊棠綁架的「KK媽」袁潔儀和兩個子女，「KK」陳星妤亦即刻放心晒，不過今晚劇情陳星妤又再有難題，身為「萬國城最後一個處女」的她，因有「初戀的感覺」獲富商打算出價800萬包養一個星期！
【相關閱讀】：一舞傾城｜34D文凱玲被槍指嚇側身晒4吋事業線 姚子羚化身「媽媽生」閃爆旗袍超激凸
【點擊睇袁潔儀勸陳星妤被包養】：
「KK」陳星妤和「沙律媽」陳法蓉在餐廳食飯期間，巧遇富商「王主席」，王主席即對陳星妤起啖，開價半山2000呎豪宅，每月家用30萬，希望長期包養陳星妤。之後王主席去「萬國城夜總會」繼續力勸陳星妤，更加碼開價800萬陪他一個星期！王主席更表示：「KK真係畀到我有種初戀嘅感覺！」更封80萬利是叫陳法蓉幫手勸KK。
後來同場的「魚旦媽」莊鍶敏密謀利是，告知「KK媽」袁潔儀。袁潔儀竟然去勸女兒陳星妤被富商包養，雖然陳星妤強調做「金魚」，坐枱、食宵夜已經是底線，但袁潔儀仍跟女兒說：「你諗下，而家係800萬啊！你先賺咗呢筆錢，咁我哋成家就可以甩難，有好日子過㗎喇。之後你先同Marco（關楚耀）拍拖囉，如果佢問到，你咪求其咁話，有一日我踩完單車流血，有乜分別啊？」
陳星妤反駁媽媽：「你咁想我同佢上床吖嘛！好啊，我同王主席入咗房，閂咗燈，換你同佢上床，跟住開返燈，換返我，冇分別㗎！係咪？」袁潔儀竟然惱羞成怒，怒摑女兒一巴。之後袁潔儀演技大爆發，爆喊說：「我窮咗好耐啊，我真係好驚，唔想再好似以前咁窮啊！」
【其他文章】：
鍾嘉欣泳裝輕露事業線晒長腿湊三子女玩水 大女愈大愈似樣獲封「迷你版嘉欣」
周潤發68歲生日發嫂甜蜜送驚喜 壽星向鐵粉袁詠儀索吻竟被嫌棄！
關之琳容光煥發開工真實面貌曝光 零濾鏡肌膚白滑緊緻唔似60歲
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
