羅啟仁嘲李賽鳳揀錯人
發佈時間：00:53 2007-06-20
(星島日報報道)日前李賽鳳終於打破沉默，向傳媒發表聲明，炮轟丈夫羅啟仁指控她與契仔宗天意有婚外情，大大傷害了她，宗天意更否認戀上契媽李賽鳳。誰知此舉激怒了羅啟仁，他直斥二人講大話之餘，更怒罵宗天意樣貌「污糟邋遢」。不過，那邊廂的宗天意，卻把早前自己刪除了的網頁照片，重新放回網頁，似是有點高調宣傳的意味，難道他想為當歌星鋪路？
前日李賽鳳高調發出聲明，為離婚事自抱不平後，記者昨日致電身在北京的羅啟仁，對於「契仔」宗天意向外否認與契媽的不倫戀，並反問記者有沒有證據，他激動地說：「我喺衣櫃發現佢（宗天意）之後，唔通叫佢走返入去，影張相留念咩？但係劇團入面人人都知佢哋有嘢就係證明啦！如果我真係咁衰想逼佢離開劇團，就算冤枉佢偷錢，都唔會話佢同我老婆有嘢啦！呢啲嘢我點會亂講？」他又說二人口徑一致不承認婚外情，估計二人仍有聯絡。
問到是否知道宗天意轉行當網絡歌手？羅啟仁謂：「你哋話我聽我先知，不過，我識佢3年都未聽過佢唱歌，如果佢而家一出嚟，把聲好係Golden Voice咁，我會覺得好意外。」記者告知宗天意在網頁上的照片留了及肩長髮，打扮頗入時，問羅啟仁可有看過？他說：「未睇過，我都唔想睇，不過，如果佢想做歌星，一定要打扮吓，佢唔扮吓，頭髮又長，畀人感覺污糟邋遢，講嘢又廢，以前我都叫過李賽鳳話佢，佢係領隊，代表我哋藝術團，太唔似樣啦！」他更「暗寸」李賽鳳選錯人：「如果李賽鳳同一個有教養、有品味、有經濟能力嘅人一齊，我可能無咁嬲，話唔定恭喜佢！」
不過，宗天意卻懶理羅啟仁的指責，竟然仍有心情把早前已刪除了的照片，重新放回個人網頁上，那批照片清楚寫着上載日期是6月19日。自從此事傳出後，宗天意成了新聞主角，知名度提高，他在此敏感時期仍高調地更新網頁，有指他想為個人大碟《愛情戰場》作宣傳。
