前港姐季軍患怪病「買定骨灰龕」曾淪雷曼苦主決心與出軌夫離婚：做人要靠自己

更新時間：13:55 2024-06-30
發佈時間：13:55 2024-06-30

現年67歲的鍾慧冰，近年與ERROR成員保錡、「媚姨」陳月媚主持ViuTV節目《Auntie妳好》受到不少年輕人歡迎，今年再度添食《Auntie妳好東南亞玩番轉》。近日鍾慧冰接受商台節目《星光背後》梁泰來訪問，提到金融海嘯變雷曼苦主與前夫離婚，期後患免疫系統疾病，徘徊生死邊緣，她更表示：「我連骨灰龕都買定！」

鍾慧冰重提患罕怪病？

鍾慧冰1979年參選港姐獲得季軍入行，後來離開娛圈轉行從商，與前夫育有一女。近年鍾慧冰復出幕前，2021年她陪同女兒林靜莉參加ViuTV真人騷《阿女又戀嚟》，近年與「媚姨」陳月媚及保錡主持《Auntie妳好》，又開設YouTube頻道。

鍾慧冰雷曼事件失七位數

鍾慧冰在節目中表示，當年選港姐不久便轉戰電影幕後及開設公關公司，1996年結婚生女，至2001年女兒讀小一，她因計算過有足夠積蓄，便結束公關公司全職湊女，怎料08年金融海嘯一役，她頓變雷曼苦主，半生積蓄化為烏有。鍾慧冰表示：「是超過七位數，最初諗住靠每月七厘息足夠下半世同阿女生活，突然間所有積蓄無晒！」

鍾慧冰形容2008年時極為徬徨，但卻促使她決心與前夫離婚：「是重創，但更讓我明白靠自己，唔可以再靠男人，佢早已靠唔住！前夫喺生女無幾耐，已有問題，係有第三者！大家價值觀越來越唔同，佢經常返內地唔返屋企。」鍾慧冰最初為讓女兒有一個完整家庭死忍十多年，稱：「拖拉超過十年，最初怕女兒成長不開心，另外，亦希望對方變返好回心轉意。最後雷曼事件，是令我醒覺做人要靠自己。」

鍾慧冰為女兒死忍十多年

雷曼與離婚都不曾令鍾慧冰絕望，因為之後她於有線當主持及往內地商演，不愁與女兒的生計：「那次令我明白，錢其實不太重要，因為人如果齋生活，其實不是需要很多錢。」鍾慧冰指，真正讓她跌入谷底，是2016年間突然患上罕見免疫系統怪病「血管炎」。當時鍾慧冰體內血管遭自身免疫系統攻擊，令她半身癱瘓行動不便，經類固醇治療不果，更出現嚴重過敏反應，令她徘徊生死邊緣近兩年。

鍾慧冰愛女泳裝極震撼？

鍾慧冰患血管炎仍未完全康復

鍾慧冰憶述當時情況：「點解病發？我都唔知，個關我以為過唔到！唔郁得之外，手腳肌肉嚴重萎縮又痛，長期食類固醇，四肢好瘦塊面腫到豬頭咁，係好核突！淨可以同自己講唔好死，因為醫生話去到肝隨時會死，你知唔知，當時我搵朋友連骨灰龕都買定！」鍾慧冰坦言當時感到相當絕望：「係好辛苦好絕望，唯有不斷鼓勵自己，每日用枴杖睇三個醫生，全港奇醫都睇勻，是撞彩慢慢好啲，但到而家都未完全康復。」

鍾慧冰獲林建明毛舜筠支持度難關

幸好鍾慧冰抗病期間，得到好姊妹林建明、毛舜筠等支持，遠赴她元朗家送暖。鍾慧冰哽咽說：「講起毛姐同大姐明都想喊，係無微不至，大姐明又幫我剪指甲剪腳甲，唔係個個做到，好唔話得。毛舜筠介紹好多名醫畀我，因為佢有過紅斑狼瘡，對免疫系統好有研究，教我好多養生飲食同整麵包，疫情經常送麵包畀我食，呢啲真係姊妹情。」

鍾慧冰59歲識現任男友

人生有一眾好姊妹及死過翻生，令鍾慧冰常跟自己說幸運比不幸多，「而家每朝都好感恩！首先，雷曼我無晒啲錢，我仍然生活無憂，其次我婚姻唔開心，但我個女鍚我令我好快樂！仲有，有邊個到我呢個年紀，仍有人搵佢拍真人騷周圍去旅行見識？你話我幾幸運？我係好驕傲。」鍾慧冰的幸運包括16年患病前，認識到一個對她不離不棄、比她年長兩歲的男友：「我差唔多59歲先識到佢，我個病樣得佢肯見我，佢居然喺我病中一直支持我，所以我話畀大家知，唔好放棄，我喺咁嘅年紀都搵到同行之伴！好開心、好感恩。」

其他文章：

鍾慧冰大爆港姐亞姐評分準則！利智迷到倪匡亂評分令亞視頭痕揭一類人難做港姐冠軍

鍾慧冰28歲索女開窿一件頭驚揭禾稈冚珍珠！曾選美拍戀綜節目繼承衣缽

鍾慧冰44年前參選國際小姐片段曝光擁迷人電眼長腿纖腰甜笑震驚網民

鍾慧冰與前港姐聚會曝光眾人近況 92年亞軍張雪玲轉做禮儀導師朱潔儀與24年前零變化