老闆娘大派雙糧譚小環教DIY整專屬利是封

頭條日報-娛樂

更新時間：13:26 2015-06-13
發佈時間：00:00 2015-02-13

       轉戰營商的索爆前港姐譚小環美貌與智慧並重，經營手作素材店後又開埋小食店，魚蛋西施賺到笑。農曆新年將至，她再搞搞鬼主意教學員DIY做專屬利是封，既有創意又有心思，不論派利是同收利是的人同樣咁開心。就快踏入羊年，小環即報喜說：「我哋手作素材店同港式小食店嘅員工有喜訊，前者出雙糧；後者有大大份花紅，人人過肥年！」採訪：方騫平攝影：陸昱旻
      場地提供：「Day by Day手作素材店」＠銅鑼灣謝菲道530號2樓
      早前聖誕節，譚小環的手作素材店開班教學員做特別版Snake Snake聖誕卡，大受歡迎，食腦老闆娘就再下一城，教整獨一無二嘅3D專屬利是封，她就：「其實有刀模機等輔助可以簡化程序，唔難做。」
      去年榮升兩間店舖老闆，問小環預備幾多錢派利是？她大笑說：「我咁孤寒，呢啲嘢留畀肥仔（老公蔡強榮）處理啦，佢有秘書安排好，唔同利是封有唔同銀碼！」營業近一年嘅小食店經已有錢賺，除咗股東有少量分紅外，大年初二嘅開年飯上員工亦會論功行償，用大利是去鼓勵佢哋一年嚟辛勞。初一同初二休業兩天畀員工休吓息。至於手作素材店員工都有雙糧，皆大歡喜。


■自製利是封可選貼任何靚相做封面。小環就揀心愛的約瑟小狗「哥哥」，3D製成品仲有埋新春賀詞，自家製數量有限，靚到愛不釋手。