「白殭屍」龍炳基暗諷王晶：唔使成日提周星馳！子女照竟成焦點移美多年近況寫意

更新時間：10:00 2024-08-26
發佈時間：10:00 2024-08-26

龍炳基80年代有份主持兒童節目《430穿梭機》，在經典趣劇《黑白殭屍》中與周星馳拍檔，龍炳基飾演「白殭屍」，周星馳飾演「黑殭屍」。龍炳基近年成為YouTuber，不時拍片分享近況，雖然已移民美國逾30年，但仍很關注香港的大小事，他近日都有留意王晶都進軍YouTube拍片大數周星馳，龍炳基亦說出自己的想法。

龍炳基拍片談周星馳曝光家中環境？

龍炳基1991年已經移民美國，並轉行做廚師，2005年一度回流復出，參與亞視節目《慧珊時尚坊》的烹飪環節拍攝，後來再回到美國生活。息影多年的龍炳基，2021年時曾罕有現身TVB節目《童你一起長大了》，勾起不少中年人的童年回憶。龍炳基近年子女漸漸長大成人，他有更多私人時間，不時在美國到處拍片，亦會在家中分享生活大小事，以及說到一些在香港娛樂圈發展時的往事。早前王晶在YouTube節目《王晶笑看江湖》一連三集談起昔日拍檔周星馳，指他後期變得大牌，工作態度差，以及比起友情更重視金錢等，原來龍炳基都有留意王晶的言論。

重溫龍炳基舊照：

龍炳基建議王晶可將周星馳遺忘

龍炳基日前在YouTube節目《有基生活》中，分享對王晶言論的看法，龍炳基說：「同周星馳啲恩恩怨怨佢都講過好多好多次嘅，大家都知佢哋有啲唔係幾啱㗎喇，所以講啲內容都比較負面啲。講啲嘢重覆重覆又重覆，講啲嘢係相同㗎喎！」龍炳基強調跟周星馳已久沒聯絡，不是為對方講好說話，他說：「我移民呢30年來都冇咩接觸，無論佢點樣都好，都同我冇咩關係，我知嘅嘢，同大家知嘅都差唔多啫！」龍炳基指約2000年左右，周星馳早已是大牌明星，全球很多人都認識他，「大牌我估都唔係佢專有啦，有好多大牌明星都耍好多大牌，點解大牌明星可以耍大牌？啲電影公司囉、啲經理人公司囉、好多幕後人就慣佢哋，所以佢哋可以肆無忌憚。咁如果所有大牌都有呢個情況出現，咁係咪淨係……罪名就係『周星馳，你咁就唔得喇』？」他續說：「我唔係幫周星馳辯駁呀，我覺得如果晶哥畀啲時間，認真啲……嗱！好老實講，早兩年佢拍嘅《追龍2》呢，就已經擺脫咗佢過往嗰種比較爛片嘅風格、製作，其實如果晶哥改變吓，我諗佢唔使成日提周星馳，可以將周星馳遺忘，因為冇意思囉！」

相關閱讀：周星馳遭王晶批評成熱話激罕訪問片瘋傳 39個字反擊指控

網民關注龍炳基子女照片

龍炳基在談及王晶與周星馳的影片中透露少許近況，他指早前曾返港，返美後又到芝加哥探望女兒，然後才返回現居的俄亥俄州。龍炳基與太太育有一對子女，龍炳基指早前大女已經碩士畢業。有收看龍炳基影片的網民亦看到，他身後擺放了子女的照，其中一張似乎是女兒的畢業照。其實龍炳基平時都有在美國家中各個位置拍片，他曾透露家中有兩個雜物房，又有車房，亦可見熱愛音樂的龍炳基，家中大廳有不少空間擺放音響器材及樂器。龍炳基平時會開車在美國到處走，拍片的地方有時會在車內，有時會在美國街頭。龍炳基閒時拍片分享生活，看來非常寫意。

其他文章：

王晶斥周星馳有風駛盡艃！爆女星拍《國產凌凌漆》戲份全被剪《少林足球》因兩字內地上唔到

周星馳被爆《少林足球》合約細節好唔公平？王晶：當其他人係狗囉

王晶周星馳為錢失友誼？目擊影帝被冷待感不滿於片場險大打出手：以後都唔好合作

王晶大爆周星馳整容！因一事令友情生變揭星爺情史點名兩女星：睇住佢郁手！