移英港人搞「水魚市集」？賣$130牛雜／$100串燒 被批「垃圾」後1檔主霸氣鬧客！
更新時間：09:00 2024-09-13
發佈時間：09:00 2024-09-13
發佈時間：09:00 2024-09-13
字體大小
人在外地，難免會想念家鄉味道。近年有大量港人移居英國，令當地對於港式食品的市場需求大大增加，不少港人市集、港人餐廳亦應運而生。不過近日就有移英港人在光顧其中一個當地香港人市集後，發文狠批食物又貴又垃圾，引起網上熱議！
移英港人狠批英國曼城香港人市集 「垃圾級別」
點擊睇移英港人詳細分享＋檔主回應：
該市集位於英國曼徹斯特一個叫作塞爾的中產區。市集以香港為主題，集合了不少香港人檔主售賣地道港式美食，包括牛雜、豬腳薑、糯米雞、茶果、砵仔糕等等。有不少檔口都在移英港人圈子間甚有名氣，吸引了大量港人去逛市集，現場人頭湧湧非常熱鬧。不過有網民就在 Facebook 群組「曼徹斯特香港谷 英國 曼城 香港人」發帖，圖文並茂分享食評，狠批市集出品貴、服務差、味道更是「垃圾級別」，引起網民熱議。其中一檔檔主更忍不住親身留言回應，但其態度卻令網民側目，詳見上文圖輯。
網民：香港人專水香港人
檔主的霸氣回應令事件在網上極速發酵，不同討論區都有轉載，更有網民以「水魚市集」形容，「野食一啲都唔平，唔平都算，食物質素真心好業餘，但收你英國正常價錢，不過香港人錢咁易賺」、「將香港擺年宵果套搬過去，搏啲人出得黎就預左洗錢買垃圾」、「百鳩幾蚊兜牛雜真係食唔起，繼續留喺香港食垃圾」。
有不少網民均不忿，明明同為港人在外地，做生意手法卻有如專賺港人的錢，「香港人專水香港人」、「野食質素咁低昆鬼佬就得」、「香港人精神出到國外真係更加凸顯」、「10個有9個唔係做開飲食，不過水魚圈太好賺，加句香港人加油啲人食屎都冇所謂」、「移民得英國就食炸魚薯條鋸下扒算啦，做乜重眷戀香港嘅劣食」。
同場加映：移英港家庭被歧視！8歲混血兒子慘被同學指住笑「華人樣」 1行為極侮辱
最Hit
