8月拉埋天窗「港版半澤」陸駿光婚照曝光

頭條日報-娛樂

更新時間：09:18 2015-06-22
發佈時間：00:00 2015-03-06

       陸駿光跟圈外女友Sherraine拍拖3年，雖然他下月跟港視約滿，但依然照原定計劃今年8月在酒店完婚。早前一對準新人專登飛到韓國首爾拍攝婚紗照，一日內換了4個造型拍了9輯照片，完成拍攝後還多留幾日滑雪散心。撰文：杜淑霞攝影：signlove korea prewedding-S studio
      陸駿光最初打算在香港影婚紗照，連西裝已訂造好，但兩人在婚紗展為預訂酒店交訂金時，被韓式婚紗攝影吸引，「普通喺香港影都要萬幾蚊，?家去埋首爾都係多一萬，仲要攝影公司畀優惠我哋，咪順便去埋滑雪玩吓囉！」
      諗過轉行
      兩人一到埗先試裝和揀衫，第二日正式影相，點知太緊張搞到遲到，「嗰朝攝影公司6點嚟接我哋，但太緊張瞓得唔好，又唔記得有時差，彈起身已經5點9，好彩去到先裝身同化妝，只係遲咗小小！」雖然10個景中只有兩個室外，但當地只有零下10度，搞到兩個準新人要邊影邊跳舞熱身，相當搞笑。
      離開舉行婚禮還有近半年，但陸駿光已感到相當緊張，更預告當日會是港視加無線的Party，「我兄弟淨係請咗鄭俊弘一個圈中人，但係賓客名單有唔少港視同TVB舊同事，可以趁機聚吓啦！」談到下月約滿港視，陸駿光已決定向外闖，「諗過轉做健身教練，但太太驚我會唔開心，叫我自由身試吓先囉！」