情侶帽洩蜜 狄易達大眼新歡曝光
更新時間：10:02 2015-06-22
發佈時間：00:00 2015-03-27
發佈時間：00:00 2015-03-27
字體大小
唱跳歌手狄易達（達仔）去年9月與拍拖約5年嘅o靚模女友劉沛蘅Hillary分手後，自言唔慣度過入行後嘅首個單身情人節。不過最近26歲嘅達仔有新女同行，日前見佢與一高挑大眼靚女連體行街，二人雖無親暱動作，惜黑色情侶帽就將兩人親密關係曝光，唔怪得當日達仔全程笑笑口，春風滿面啦！採訪 : 陸旻昱
自08年出道以來，狄易達因成日與同公司嘅藝人蔚雨芯合作而傳出緋聞，查實達仔入行無耐就同細3年嘅o靚模女友Hillary蜜運，小情人一拍5年。分手原因，只怪工作狂達仔無時間陪女友。
回復單身的達仔無有怕，Dry咗半年已有新目標。日前晚上，達仔與一索女現身銅鑼灣city'super「鳩嗚」。新女眼大大、高約5呎6吋，雖然與達仔同戴上黑帽，但近睇個女仔下巴尖尖輪廓分明，幾省鏡。新女似乎想買旅行用品，睇吓透明膠樽仔和盒仔，有男sale見到達仔即埋身吹水，逗得偶像開心猛笑。事後二人兩手空空離開。
記者致電狄易達問新戀情，他極保護女方說：「個女仔只係圈外朋友，唔喺香港住，佢嚟香港兩日，順便搵我聚吓，我咪帶佢去華星冰室食地道嘢囉。(情侶帽喎？)真係咁橋咋，無嘢㗎！唔好搞人啦！」極力否認之餘，達仔又無意間透露該索女好符合佢心目中嘅女友條件，似乎有心玩地下情喎！
■達仔願做導遊帶索女遊港搵食，似乎感情唔錯。 
■行街時，店員認出狄易達埋身傾偈。 
■達仔用英語和普通話與靚女溝通。 
■女友人睇旅行用品。
自08年出道以來，狄易達因成日與同公司嘅藝人蔚雨芯合作而傳出緋聞，查實達仔入行無耐就同細3年嘅o靚模女友Hillary蜜運，小情人一拍5年。分手原因，只怪工作狂達仔無時間陪女友。
回復單身的達仔無有怕，Dry咗半年已有新目標。日前晚上，達仔與一索女現身銅鑼灣city'super「鳩嗚」。新女眼大大、高約5呎6吋，雖然與達仔同戴上黑帽，但近睇個女仔下巴尖尖輪廓分明，幾省鏡。新女似乎想買旅行用品，睇吓透明膠樽仔和盒仔，有男sale見到達仔即埋身吹水，逗得偶像開心猛笑。事後二人兩手空空離開。
記者致電狄易達問新戀情，他極保護女方說：「個女仔只係圈外朋友，唔喺香港住，佢嚟香港兩日，順便搵我聚吓，我咪帶佢去華星冰室食地道嘢囉。(情侶帽喎？)真係咁橋咋，無嘢㗎！唔好搞人啦！」極力否認之餘，達仔又無意間透露該索女好符合佢心目中嘅女友條件，似乎有心玩地下情喎！
