學中樂再用6種語言唱歌林一峰出書講成長故事

頭條日報-娛樂

更新時間：04:17 2019-03-25
發佈時間：00:00 2019-03-25

　　唱作人林一峰最近推出第9本著作《為何是你，為何不是你》，是書名，也是歌詞。新書記載他成長故事，書的尾頁有三個字：「To be continued…」代表他不斷地move on。他坦言作為創作人沒有想過有一刻停下來，他興奮說：「6月我會同香港中樂團合作搞音樂會，除咗秘密練兵學彈中阮外，仲會用6國語言唱歌，就係想挑戰自己嘛！」採訪：方騫平
　　新書《為何是你，為何不是你》是林一峰用里數、用時間、用經歷描繪的感情地圖，書中有友情、親情、愛情，其中有提到一峰試過主動甩人，也試過被甩，亦試過少年輕狂，為愛義無反顧。
　　變身作者的他，之前到台灣做宣傳：「第一次以作者身份去台灣電台做訪問，感覺前所未有咁興奮，其實最開心係隨行嘅媽咪，我訪問嗰陣佢就周圍影相打卡食嘢。據出版社講新書反應熱烈，已經打算再版同埋計劃出下一本。其實做作者同唱作人好唔同，作者文字想像空間比較大，亦可以更加深入講故事，本書係我嘅成長故事，我想話畀大家聽，生活有好多方式，人生唔係一定要畢業、搵工、買樓、結婚、賺錢、等退休咁公式嘅。」
　　台灣回來後，林一峰又帶媽咪去紐約，之後要收拾心情為6月舉行的《林一峰與香港中樂團》音樂會閉關做準備：「今次我想再挑戰吓自己，學一樣中樂樂器，而且用6種語言包括國語、粵語、英語、西班牙文、閩南語及日語去演繹一首歌曲，做嘅又開心，聽嘅朋友又有新鮮感，好玩。」