【有片】私家車疑為爬頭剷壆影片瘋傳網民：似睇《高智能方程式》

港聞

更新時間：17:23 2018-09-03
發佈時間：17:00 2018-09-03

路面濕滑更應小心駕駛，但網上瘋傳一段車Cam影片，可見一輛私家車疑為越過前方停在迴旋處前的貨車，竟高速剷上石壆，險撞到車Cam片主的座駕。有網民笑言：「爬頭都可以咁出神入化」、「拓海都要行埋一邊」。
網民Gary Tam在facebook群組「將軍澳」上載車Cam片段，並貼文稱，「我細個睇（日本動畫）《高智能方程式》，多數係咁樣爬頭架喎」。片中所見，事發今早10時許，有指位置是將軍澳坑口厚德對出回旋處。當時路面仍然濕滑，一輛白色貨車駛至一個迴旋處時已停低，先讓其他車輛先行。不過，正當片主座駕駛至時，一輛私家車竟從白色貨車身後，高速剷上石壆駛出，阻截了片主前行。當時私家車與片主座駕甚為貼近，未知兩車有否碰撞，但片主其後似停下車輛。
影片在多個fb群組廣傳。有網民批評私家車司機危險駕駛，但亦有不少人將司機所為聯想到動畫《高智能方程式》，「風見車人（隼人）絕招，Lifting turn」、「部車唔記得裝抽氣扇」，亦有網民估計是私家車跣軚，「唔想撞到架貨車」、「救車得嚟又不失霸氣」。