余文樂陳冠希口徑不一

星島日報-娛樂

更新時間：16:29 2016-07-20
發佈時間：00:57 2003-01-19

(星島日報報道)兩位「撞膊事件」主角余文樂及陳冠希前晚出席《十大中文金曲》頒獎禮。不過，余文樂說在後台曾跟Edison打招呼，但Edison則說在台下無機會見面傾偈，實在離奇﹗

　　對於緋聞女友阿嬌親自頒獎，余文樂說不會感到特別開心，更說當時不知道誰接獎項，唯有自己先接。問到他見到Edison會否怕再重演「撞膊事件」，他說﹕「無﹗今日個位大啲，一散場我第一個行出嚟先﹗」至於是否怕誤會而立刻鬆人，他只笑而不答。另外，在慶功宴上，當阿樂和其他男歌手拍罷大合照時，竟和前度女友盧巧音擦身而過，余文樂更執着對方手臂兼咬耳仔。余文樂解釋只是問候對方的病情而已。

　　另外，對於有指譚詠麟力撐余文樂，且說「有錢人唔識教仔」來批評Edison，阿倫說不用理會該報道，更言兩人已和好如初。而Edison則說不相信阿倫會這樣說，「如果校長真係咁講，就唔應該話我父母，因為佢哋好辛苦教我。」至於會否介意港台以其三角關係作笑料，他說﹕「我最後講多次，我點會同人爭女，過幾年大把時間先識都得啦﹗我唔信佢哋會玩我。」而阿嬌則對於被玩表示無謂，但說起李泳漢在其家苦等，她勞氣地說﹕「叫佢唔好再騷擾我同我屋企人啦﹗好影響我嘅安全㗎﹗」另外，Twins雖奪得全國最受歡迎組合一獎，但阿Sa竟說﹕「真係開心到想喊﹗未進軍大陸已經有獎﹗」