老闆鼓勵成推動力面對比較如墮深淵Phoebus

頭條日報-娛樂

更新時間：00:00 2022-07-22 HKT
發佈時間：00:00 2022-07-22 HKT

Phoebus（吳啟洋）@P1X3L首度推出solo歌曲《漸漸地》，講默默地守護喜歡的人，原來這種暗戀，他小學早已經歷過。他開心新歌成為劇集《冥冥之中》插曲，更開心是獲老闆魯庭暉出post鼓勵，令他超級感動，亦成為未來進步的動力。採訪：杜杜攝影：沈健程場地：港威酒店

Phoebus自爆最初知有機會做歌，專登揀有潛質做劇集歌曲的《漸漸地》，「出呢首歌係想睇吓做唔做到《冥冥之中》嘅插曲之類，因為出時係《冥冥之中》開播前一個月。」雖然演繹歌曲時，他是想着劇集劇情，不過他現實中一樣有這方面經驗，原來早熟的他小學一年級已玩暗戀，女方是大他一、兩年的同座鄰居兼同校生，他被「姐姐」的陽光燦爛笑容吸引，「嗰時成日好想見到佢，好傻咁放學會即刻跑返屋企嗰座大堂等，試過等個幾鐘，成件事同《漸漸地》好似。」暗戀維持了5、6年，直至他上中學就冇再見過對方。
Tiger「下弦論」講出心聲

提到出歌獲老闆魯庭暉出post鼓勵，Phoebus先深呼吸定神再話：「諗都唔敢諗，我見到呢個post時係拍緊節目，係好驚訝，真係好感動，因為冇諗過魯生一路有咁樣留意自己，同埋佢啲post除咗字面嗰個意思，仲會暗藏啲訊息，睇完係有啲得着，呢樣嘢我一路記喺心，當係一個動力畀自己可以做得更加好。」

Phoebus承認《造星II》雖然奪冠，但一直被外界拿他與姜濤比較，一度令他好大壓力，早前Tiger@MIRROR的「下弦論」正好講出心聲，「佢講得好好，大家都想做更好畀大睇，但真係無能為力，大家一路對比之下，會好似有個深淵，一路好唔開心，因為一路畀緊啲壓力自己要做得更加好，但o依家已經出返嚟。」現在的他反而覺得自己幸運，「當然有人覺得我好慘，但係我認識嘅藝人朋友全部都好努力，當自己嘅努力有人睇到時，係會欣慰同好開心。」