前TVB金牌綠葉轉行揸的士被指黑的？態度輕佻話對方麻煩 去年曾獲女乘客表揚
發佈時間：14:00 2025-03-06 HKT
人稱「Gordon哥哥」的47歲前TVB綠葉王兼配音員蕭徽勇，去年1月宣布離開效力23年的TVB，蕭徽勇五年前已有揸的士幫補生計，因此生活未算受太大影響。近日有段影片流出，一位乘客卻指自己上了「黑的」，而旁邊駕駛者，竟然正是蕭徽勇！
蕭徽勇載同學羅天池
日前有人上載一段影片，片中一開始便隱約見到蕭徽勇的士證，並聽到一把男聲說：「剛坐上一部黑的呀」，並將鏡頭拍向蕭徽勇，見他輕佻地點頭望向拍片者。之後拍片者突然大笑，並以「蕭徽勇先生」來介紹對方說：「好開心可以坐到蕭徽勇嘅的士，正呀正呀正呀。」原來坐在副駕位置的正是前TVB藝人羅天池，蕭徽勇即望向他不停伸脷，相當老友。羅天池也說：「呢個就係我嘅老死，17期訓練班同學。嗱演員呢有好多種生活嘅，其中一種生活就係揸的士！」一直未有作聲的蕭徽勇終於忍不住說：「唉！你真係，麻鬼煩呀真係。」
相關閱讀：《放學ICU》班底罕聚會！蓋世寶與譚玉瑛同框粉碎不和傳言 長腿人妻原來都係主持
蕭徽勇揸的士被指為黑的？
蕭徽勇在澳洲著名麥覺理大學（Macquarie University）市場學系畢業，自2001年參加第17期藝員訓練班加入TVB，同期同學包括日前不幸離世的卓躒，與及黃嘉樂、李霖恩、鄭世豪、羅天池、阮德鏘及何芷姍（前名何綺雲）等。蕭徽勇畢業後加入兒童節目《放學ICU》擔任主持，亦演出過很多劇集，其中在《十八年後的終極告白》演鬼仔強、《降魔的2.0》演的士司機黃志龍等令人印象深刻。蕭徽勇08年開始兼任配音組，曾以配音員身份於《好聲好戲2》擔任評判，三年前因Cut騷選擇轉簽配音員合約，未料到兩年約滿後不獲TVB續約。
蕭徽勇曾重達300磅
近年蕭徽勇為生計轉行揸的士，亦有接拍片、旁白工作，曾為HOY TV《香港奇則》共26集旁白，亦有幫消防處的短片做英語配音和領班。蕭徽勇曾重達約300磅，因血壓高問題決心減肥，成功激減60磅變型佬，最近亦有與陳家樂及岑麗香拍HOY TV劇集《我愛九龍城》。早前有網民貼出在港鐵巧遇他的照片，蕭徽勇當時掛住睇手機，網民偷拍後留言：「遇到TVB兒童節目主持，兒時回憶」。之後有多位網民分享曾做乘客的見聞，當中有一位女網民提及一件往事，指蕭徽勇值得尊敬。
相關閱讀：《放學ICU》監製曾廣平不幸離世 「Gordon哥哥」蕭徽勇發文宣佈噩耗
蕭徽勇由肥佬變型男？
蕭徽勇為女乘客追尾班巴士
女乘客留言：「有次call的士返屋企，咁啱係佢接咗我個單，其實我同frd望到司機證嗰陣已經認得佢，因為我係搭的士去趕尾班n車，點知落車之後個巴士司機喺我面前開走咗架車！佢見到之後即刻話：阿妹上車！我幫你追返架車！我最後叫佢直接車我返屋企，落車俾錢，本身車費係$120，我俾咗$120 cash佢，點知佢俾返張$20我話：$100夠啦，唔使啦。做藝人真係好唔容易，見佢繼續有喺呢行努力，同時出嚟揸的士維持生計，覺得好感動之餘好respect佢，每個artist都值得被看見。」蕭徽勇獲公開表揚，除了Follow對方IG外，更留言感謝對方。
相關閱讀：前TVB綠葉王好人好事瘋傳！年初離巢轉行揸的士 主持兒童節目多年成集體回憶
