陳豪廖碧兒情難自禁十指緊扣

星島日報-娛樂

更新時間：14:42 2016-07-25
發佈時間：00:44 2004-09-23

(星島日報報道)陳豪與廖碧兒的緋聞一直傳得鬧烘烘，兩人昨日不避嫌以「情侶檔」姿態為連鎖服裝店Bossini剪綵之餘，更手拖手出場，事後兩人堅稱是大會「安排」，不過宣傳人員卻表示沒有指定兩人拖手，只想兩人開開心心出場，難道陳豪與廖碧兒情到濃時忍唔住拖手﹖

　　在昨日的剪綵活動上，廖碧兒與陳豪不但手拖手出場，兩人更笑到甜絲絲，一點尷尬都沒有，感覺既溫馨又甜蜜，而當大會安排兩位可愛小朋友獻花分別親吻陳豪與碧兒時，司儀更打趣說﹕「大人都要（錫）呀﹗」不過兩人卻狀作扮聽不到。

　　事後問到廖碧兒兩人為何十指緊扣出場﹖她說﹕「係呀﹗行Catwalk嘛，是大會要求我們拖手出場，(怕不怕再傳緋聞呀﹖)不怕，無乜所謂。」不過當記者要求再拖手影相時，兩人卻拒絕，碧兒解釋﹕「私底下唔需要啦﹗加上又唔係Point﹗」

　　問到廣告商找他倆剪綵，是否因為兩人是緋聞男女有「噱頭」﹖碧兒予以否認說﹕「不會吧，可能我們兩人都是健康運動型，跟牌子幾配合吧﹗」

　　另外對於甜蜜手拖手出現，陳豪辯稱﹕「做嘢之嘛，大家係拍檔，（情侶檔酬勞是否高一點﹖）下﹖要問番公司喎，應該係一樣嘅。」

　　陳豪亦強調拖手是大會指定的，問到會否尷尬，他想了一會才說﹕「專業演員要有專業態度嘛，（如果要求兩人錫呢﹖）睇情況啦﹗」問到有否想過怕傳緋聞而推掉此工作，陳豪卻說﹕「不會，唔通有錢唔賺咩﹗」