祖兒孖Mani豪送現金大抽獎

星島日報-娛樂

更新時間：03:00 2024-06-16
發佈時間：03:00 2024-06-16

　　英皇娛樂日前為5、6月生日的藝人舉行生日會，壽星包括容祖兒及鄧小巧，同時還為7月生日的集團營運總裁霍汶希（Mani）預祝生日，集團主席楊受成博士亦有出席，4人還自掏腰包送出現金，予同事們作幸運大抽獎。
　　當日的生日會相當熱鬧，在開席前，Mani帶領祖兒及小巧到每一枱跟同事們敬茶，祖兒邊敬茶邊說：「多謝各位支持我同小巧。」向來性格爽直的小巧突然尷尬起來，並細聲地說：「我宜家好驚呀……尷尬癌發生緊，哈哈。」作為大師姐的祖兒隨即安慰她說：「唔使尷尬，雙子座係唔驚㗎。你係咪雙子座呀？」小巧表示：「唔係呀，我係巨蟹座。」隨即引起哄堂大笑，祖兒謂：「哦，咁你真係應該驚，哈哈。因為雙子座係好大膽。」旁邊的Mani和議說：「係呀，我都驚呀。」場面搞笑。
準備澳門演唱會
　　事後問到小巧尷尬原因，她笑言：「因為好怕一大班人一齊慶祝，人少少講嘢我就大大聲，但每次人多都覺得自己唔太識同所有人打招呼，每次大家唱生日歌都好怕醜，所以我慶祝的方法就係唔慶祝，哈哈。」至於生日願望，3人均表示最緊要身體健康，祖兒謂：「正日生日會同屋企人食飯，宜家密鑼緊鼓為澳門演唱會預備，希望演唱會順利good show。」其後3人一邊吃飯，一邊跟同事們玩lucky draw，楊博士及3位壽星更自掏腰包送出現金獎，認真闊綽，為生日會掀起高潮。