譚詠麟認風格唔同望「迷途」阿叻早歸隊

星島日報-娛樂

更新時間：03:00 2025-03-13 HKT
發佈時間：03:00 2025-03-13 HKT

譚詠麟（阿倫）與陳百祥（阿叻）在娛圈中出名老友，不過近年阿叻因與明星足球隊「分家」，另組「精裝足球隊」而傳出他與阿倫不和。近日阿倫接受電台訪問，首度回應事件並直認不諱：「真係有呢件事，空穴來風必有因。」但他否認與阿叻不和：「點會唔啱呀？幾廿年朋友！」又指大家踢波風格不同，更相信有一日，迷途的阿叻會返來。

譚詠麟（阿倫）日前現身薛家燕有份主持的電台節目，被問到與陳百祥（阿叻）關係時，阿倫說：「出面啲人成日都問我係咪同阿叻唔啱？點會唔啱呀？幾十年朋友，唔會為咗呢啲嘢！」不過阿倫也坦言當日看到新聞時個心都「離一離」，擔心不知怎樣回答傳媒，而且更因此發了幾晚噩夢兼紮醒。阿倫又指想通了後其實很簡單：「都係幾樣嘢，無論職業、商業、業餘都好，全球有咁多華人，個個都識我哋，嗰餅咁大，點搞都好，只不過𠵱家覺得佢同我哋嘅風格有些少唔同，因為佢比較肉緊啲，我哋比較嬉戲啲，大家睇法唔同，全球咁大，佢想點踢同點睇都得，相信有一日，佢迷途會返嚟，但佢未必迷途，可能佢方向啱都未定。」阿倫又指希望陳百祥可以做自己喜歡的事情，更透露兩人私底下仍有見面，就算是過年也有講「恭喜發財」。
另起爐灶傳內訌
香港明星足球隊由阿倫和已故退役港隊代表中鋒尹志強發起，並在1986年成立，多年來有不少藝人加入參與球賽，成員陣容相當強勁，包括有任達華、苗僑偉、張學友、曾志偉、黃秋生等知名男星，近年仍活躍於隊中的包括黃日華、何家勁、戴志偉、吳岱融、洪天明、吳家樂、鄧兆尊等。不過香港明星足球隊近年疑鬧內訌，傳出不少是非，去年11月阿叻脫離香港明星足球隊，另與圈中男星組織「精裝足球隊」，近來在內地出席多場球賽，其後再爆出與譚詠麟不和。

↓立即下載星島頭條App↓