陳曉東孖Kelly 相隔12年再合唱掀回憶殺

星島日報-娛樂

更新時間：03:00 2025-04-15 HKT
發佈時間：03:00 2025-04-15 HKT

陳曉東《Reflection心有獨鍾30周年世界巡迴演唱會》繼廣州站、台北站後，日前來到第三站佛山，東東為歌迷大唱廣東歌Medley，更邀得陳慧琳（Kelly）擔任嘉賓，相隔12年再合唱《打開天空》掀回憶殺。
東東在佛山站以白馬王子造型清唱《一次真愛追尋一百次》打頭陣，接着唱《質感》、《猜猜猜》等金曲，隨後換上白色闊袖黑背心外衣馬面裙，恍如帶樂迷穿越古今，在古箏彈奏下唱出Medley《霸王》、《我願意》及今次佛山站新唱的《倩女幽魂》，之後換衫進入「廣東歌大合唱」，連唱《心理遊戲》、《結他》、《急凍心靈》、《特務》，全晚帶來多個新造型。
Kelly即場邀東東任演唱會嘉賓
當嘉賓Kelly升上舞台，「雙陳回憶殺」合體唱出《打開天空》，將氣氛推上高潮！東東多謝Kelly冒風雨由香港來佛山撐他：「我記得上次聚頭係十幾年前，係阿Mark（雷頌德）嘅演唱會，我記得係你搵我。」Kelly即搞笑扮抹眼淚說：「十幾年？太恐怖喇！因為阿Mark嗰隻歌要搵翻你出嚟合唱，嗰隻歌都隔咗好多年無唱，我哋係每隔十幾年先唱一次嗰隻歌，點解隻歌咁慘嘅？」引全場大笑，東東希望二人下次見面不需等十幾年，Kelly即回：「唔會㗎喇，我就嚟開演唱會！你會唔會嚟？」東東表示當然會，叫大家都要支持Kelly。
此外，這晚另一令人期待的演出，是東東兩位女兒陳芷霖（朵朵）、陳芷睿（多多）以鋼琴彈奏《心有獨鍾》，掀起全場大合唱，二人完全沒怯場。

↓立即下載星島頭條App↓