容祖兒爆響口 默認阿Sa「翻撻」石恆聰
發佈時間：03:00 2025-04-28 HKT
樂壇天后容祖兒、韓國人氣女團（G）I-DLE成員MINNIE昨日擔任沙田馬場開幕表演嘉賓。祖兒提起日前孖好姊妹蔡卓妍（阿Sa）開心睇霆鋒演唱會，期間被問阿Sa與石恆聰復合傳聞，祖兒表示有聽聞、最緊要對方幸福，但卻不小心爆響口：「佢哋之間咁多年相處模式，唔只用甜蜜嚟形容，係好有默契，否則都唔會再翻撻，希望佢哋繼續好好一齊生活。」
昨日女團（G）I-DLE成員MINNIE率先出場，身穿露背小背心襯迷你裙，跳唱《HER》、《Cherry Sky》、《Queencard》；接着祖兒站在車上登場獻唱，之後祖兒與MINNIE合照，祖兒大讚對方靚女，同台演出很開心，希望下次全員來港和合作。首次來沙田馬場的MINNIE亦表示很興奮，提到她之前在演唱會翻唱祖兒歌曲《我的驕傲》，MINNIE自認很喜歡這首歌曲，好榮幸今次可以同場演出。
指阿Sa石恆聰好有默契
談到日前欣賞謝霆鋒啟德演唱會，祖兒笑言和阿Sa睇得好興奮，問阿Sa心情大好是否與「百億麻將館太子爺」石恆聰復合？祖兒說：「我有聽聞，但冇親眼目睹，希望佢開心幸福最緊要。（你有否八卦一下？）呢啲唔八，如果佢想講，佢自己會講！」不過祖兒卻不小心爆響口：「佢哋之間咁多年相處模式，唔只用甜蜜嚟形容，係好有默契，否則都唔會再翻撻，希望佢哋繼續好好一齊生活。」談到她在霆鋒個唱興奮嗌到差點失聲，祖兒笑稱本打算這個星期休息養聲，但卻送了條聲帶給霆鋒。至於會否計畫與霆鋒合作開騷？她笑說：「唔會卦，佢一次演唱會要等25年！」又表示睇騷也是趁機取經，希望明年在啟德開騷。
同場的方力申（小方）表示，婚後兩夫婦與父母同住，提到跟得夫人Maple早前未有同行欣賞小方廣州演唱會，小方指太太不適，問是否將有喜訊公布？他說：「唔係，佢唔舒服，佢身子較弱。（暫不可公布？）唔係，你哋唔好咁Chur住。」此外，王敏奕首次入沙田馬場觀賽，表示工作之餘又可見識，非常開心興奮。
