小心！八達通離奇收款$500 伴隨威嚇退款電話 事主求救網民疑新型騙局 官方回應教咁處理｜Juicy叮
發佈時間：13:16 2025-04-29 HKT
有女網民從未用過八達通銀包功能，近日卻發現八達通內離奇被人存入500元，之後收到有人致電表示「轉錯咗500蚊」給她，該人知道她的電話號碼，甚至知道她的英文名，並威嚇她「即刻轉返畀佢」，否則報警控告她。
女事主強調，也沒有使用八達通登記轉數快，但卻收到入款，而對方知其電話號碼，「佢仲知埋我英文名」，引來網民關注高度懷疑是新型騙案。
雖然女事主相信對方「真係唔小心轉錯」，但是不少網民呼籲事主小心，別私下解決，應聯絡警方防騙易18222熱線或八達通公司：「唔排除對方試入帳戶口，成功就背後做一堆盜取資料行為。」「點知係咪黑錢。」
小心！新型騙局？八達通離奇收款$500 伴隨威嚇退款電話 事主求救：佢話報警告我 官方回應教咁處理↓↓↓↓
女事主近日在社交平台Threads發帖表示，收到電話，「有個人打來話佢用八達通，轉錯咗500蚊畀我，然後打過來叫我即刻轉返畀佢，不然要去報警。」
女事主上載與過錯數者的對話截圖，看到對方表示「正前往荔枝角警局」報案，並附有報案編號，該人士更留言「如不能追回，會告你偷竊」。
女事主強調：「我從未用過八達通銀包功能，也無用登記轉數快，check到係有收到錢（原來電話都過到）。」
「第一句已講要立即過（返數），否則就告我」
她批評該來電者叫人退款的態度惡劣，「（佢）一嚟就要高高在上的指控語氣......第一句已講要立即過（返數），否則就告我......」
她形容該人「態度極差」，「用好惡既語氣，不停話你唔轉畀我，我就報警......講咗5-6次要報警告我」。
從未用八達通銀包 但「佢仲知埋我英文名」
雖然女事主「相信佢真係唔小心轉錯」，但對於事件亦感到相當奇怪：「我都未用過八達通銀包服務，佢仲知埋我英文名，唔知邊度會睇到。」
「有多咗錢，但唔係入落八達通，係八達通錢包，如果佢唔講喺邊，我都唔會搵到呢個位。」
網民懷疑是新型騙案：唔排除對方試入帳戶口
網民紛紛留言提醒女事主別輕易相信「過錯數」，懷疑事件可能是新型騙案：「唔排除對方試入帳戶口，成功就背後做一推盜取資料行為......任何電子錢包，包括轉數快，Apps始終經銀行去轉帳，過程一定involve雙方戶口，所以退錢/跟進都係要小心謹慎處理。」
「千祈唔好信！你一有動作就響你個account扣晒你啲錢！」「語氣態度越惡，就越大機會係詐騙或者係有問題。」
網民疑轉賬戶口是「人頭戶口」或涉洗黑錢
不少網民又擔心有關款項，及再轉賬的戶口可能涉及不法行為：「點知轉畀佢個戶口同呢筆錢係咪黑錢。」
「唔好亂過錢畀人，陣間係『人頭戶口』（指詐騙集團戶口）就水洗都唔清。」
網民籲別私下解決 應電防騙易熱線：18222
不少網民建議女事主聯絡八達通公司或警方，跟官方程序處理，別私下退回有關款項：「千祈唔好信佢，佢報咗警就等警方搵八達通，再等八達通聯絡你，所有嘢要跟足official channel處理，咁樣先有根有據，千祈唔好私下解決。」
「點知係唔係騙案，打返個防騙易熱線先：18222。」
八達通：誤轉款項應聯絡八達通協助處理
根據八達通官方網頁資料，所有付款交易一經完成將不可撤銷，因此客戶在作出付款之前，應確保收款人與轉賬資料正確無誤。
八達通發言人回覆《星島頭條》表示，如誤將款項支付給錯誤收款人，客戶可透過八達通熱線（電話：2266 2222）聯絡八達通協助處理，客戶亦可下載「八達通銀包錯誤轉賬 - 退款申請表格」，填妥後以電郵或郵寄方式提交申請。
女事主更新後續：八達通公司轉返走筆錢
女事主在回覆「過錯數」人士時，已表示會「選擇跟程序，保障返大家安全」，她其後更新後續，表示：「八達通公司打來話會轉返走筆錢，我不用任何動作。」
同場加映：八達通增值小心！大埔驚現「搶拍卡黨」 趁事主便利店增值飛身搶拍卡：「我大聲問佢做乜，佢話...」↓↓↓↓
