志偉力撐側田新碟無抄襲

星島日報-娛樂

更新時間：15:54 2016-06-13
發佈時間：01:06 2006-03-31

(星島日報報道)曾和曾志偉傳出緋聞的林苑，昨日現身支持志偉有份投資的旅行社開幕。席間，林苑還力撐另一緋聞男友側田的新碟好聽，更不會抄襲其他歌手，更自言望任對方個唱Part 2的嘉賓。

　　曾志偉、林苑、姚樂怡、韓君婷、洪天明昨日出席「愛悠旅遊」開幕酒會，老闆之一的志偉身笑言要組一個「滾滾團」，並叫大家不要誤會，只是帶大家去打邊爐。拍大合照時，志偉緋聞女友林苑刻意站在不起眼角位，但卻被志偉拉她站在身旁。

　　林苑自言如獲邀任旅行團導遊，最想帶團到家鄉重慶，介紹火鍋、嗜辣美食及靚絕風景，除此還想帶團到希臘順道遊覽。問到林苑會否跟現在的緋聞男友側田同行﹖她說﹕「唔會，最好多人一齊去。（希臘夠浪漫享受二人世界﹗）多人仲好玩。（側田都想去希臘﹖）吓﹖真係，咁有默契﹖」

　　提到有指側田的新碟的封面及《命硬》MV涉有抄襲成分，林苑側力撐對方說﹕「好多MV都喺台上唱歌㗎啦，咁唔算抄襲，唱片封套都唔計算，反而自己覺有少少似麥當勞，阿田嘅新歌好好聽。(側田會否作曲給你﹖)應該會，依家等緊羅生(側田)，佢好忙呀。（會任側田個唱Part 2嘉賓嗎﹖）我都希望，但要睇公司安排。（樂意台上合唱﹖）工作上合作無問題，大家係朋友。」

　　另外，提及志偉前日以演藝人協會會長身分，表明無意發起大遊行，志偉坦言接到不少藝人的來電，他說﹕「如果搞遊行，不如唔好行街，因為唔想阻香港市民同交通。（有否接杜汶澤求助﹖）只係想了解件事，佢嘅事係誹謗，今次係講偷拍嘅事。」