關之琳：男友求婚會嚇走我

星島日報-娛樂

更新時間：16:38 2016-05-05
發佈時間：01:48 2013-11-15

(星島日報報道)有傳關之琳跟台灣富商男友陳泰銘於明年情人節結婚，她昨日現身珠寶店開幕禮時否認，笑言若然男友求婚會驚到要走！

　　關之琳昨日於中環出席MIKIMOTO新店開幕禮及擔任剪綵嘉賓，穿着Dior服裝的她佩戴該品牌價值400多萬元的寶藍色坦桑石拼珍珠珠寶。她表示20年前已購買該品牌珍珠首飾，一向喜歡收藏古董珍珠，「我覺得好易襯，可以興好耐。本身都鍾意首飾，會將一些細的鑽石拆出來鑲嵌變成大的鑽飾。」男友會否送首飾？她說：「我又送畀他，他又送畀我。」她指男友所送的每樣禮物都有驚喜及有心思，但不一定好名貴。

　　問到是否很期待或已收到求婚戒指？她說：「唔係，那個報道唔係真！現在生活好開心，未到這個階段，有好消息會通知大家，不會隱瞞，每年總有一次傳我結婚，大家好似驚我嫁唔出，但未有計畫。(尚欠甚麼未有結婚打算？)感覺，如果緣分到，擋都擋唔住。」

　　提到有指男友跟前妻正式辦理離婚手續，關之琳說：「我理解唔係咁，台灣法例唔係咁，並不是報道所講。」記者問她，是否跟男友在情人節擺酒慶祝？她笑指自己沒有那麼浪漫，又指長大了反而喜歡留在家中。關之琳是否準備做少奶？她自言不懂煮飯，只識扮靚，更謂不懂訓練工人，亦不會學烹飪，「我好怕油煙，但喜歡食嘢，見我身形脹咗就知，但為了靚，會注重身體健康及做運動。」

　　其男友懂得烹飪？關之琳甜笑說：「唔知呢？多數男士煮嘢都叻過好多女士，他煮飯同煎隻蛋一定識。」她有否憧憬男友求婚？她說：「無，我諗我會好驚，會走！可能再踏進往前一步要付出更多，但現在好滿足，順其自然。」