史上首部荷里活港片 陳木勝揭《保持通話》絕密內幕 古仔零替身 大S現驚喜
更新時間：12:36 2015-06-16
發佈時間：00:00 2008-09-08
發佈時間：00:00 2008-09-08
字體大小
將於9月25日全亞洲同步上映的《保持通話》，是香港首部改編自荷里活作品《駁命來電》（Cellular）的驚慄電影，執導該片的正是近年首席動作片導演陳木勝先生。雖然劇本是進口貨，但落到陳導演手上，理所當然注入其拿手的動作及爆破場面。由他執導的《我是誰》到去年的《男兒本色》，票房及口碑上皆有出色表現，相信這部以一個神秘電話串連整個故事的電影會為陳導演再創佳績。
主持︰黃栢高統籌︰林永匡協力︰袁東亮、廖思慧
翻拍自港產片《無間道》的荷里活電影《無間道風雲》也贏得奧斯卡最佳電影及導演獎，可見電影翻拍其實大有可為，雖然荷里活一早已改編港片，但至近年，才有港片購入西片版權，將上映的《保持通話》便是香港電影史上首部改編自荷里活電影的作品，原作《駁命來電》我很喜歡，現在更由我偶像陳木勝執導翻拍，的確非常期待。
「《駁命來電》的確係一部好電影，成本唔大，但概念吸引，睇過電影嘅人一定有印象，所以之後電影公司搵我重拍呢部戲就即刻答應，加上當時有晒劇本，嘩，唔使度劇本，又有人承擔創作風險，以為好正啦，點知接咗之後先感受到重拍嘅壓力，睇過嘅人都睇過原作啦，翻拍未必會睇，不過慢慢就擊破呢啲心理關口，始終兩地文化背景唔同，點解荷里活要買我哋香港片去重拍？同一個道理，所以擔心係多餘。」
4500萬驚慄動作片
《駁命來電》吸引我的地方，正是其追看性，雖然驚險場面缺乏，但仍然讓我看得透不過氣，所以《保持通話》由陳導演操刀翻拍，真的令我很期待，因為製作費已超逾4500萬，可見在觀能刺激上必較原作更為澎湃。
「初時以為改編西片好易，改落先知痛苦，因為原作好多細橋唔通，說服力唔夠，所以花咗好多時間去加強人物背景，加多啲刺激元素落去，另外，原作好多動作場面都唔係用動作場面去拍，係用驚慄片方式去拍，永遠要你估增加追看性，我都會保留呢個元素，始終原作最成功嘅橋就係駁通電話後救咗一家人嘅命，一定唔會變，當然動作、飛車及爆破場面一定比原作更大，所以喺撞車及前後期製作花費好大。」
大S演出更勝金碧辛嘉
電影由古天樂及大S（徐熙媛）擔綱演出，古仔近年在電影上的表現有目共睹，但為何會選很少拍電影的大S飾演在戲中經常要歇斯底里的女主角，這點實在讓我有點好奇。
「之前睇大S做節目覺得佢好Fresh，加上佢同古仔未合作過，所以就搵佢啦。合作過後就覺得自己冇揀錯，佢真係好好，佢唔係偶像派，係演技派，如果將佢同原作嘅金碧辛嘉比較，我覺得大S好過佢，真係好有驚喜，睇完部戲就知。古仔更加唔使講，我哋喺《寶貝計劃》已合作過，佢係一個好專業好賣命嘅演員，戲中大部份動作場面都由佢親身上陣，其實拍呢部戲好舒服，因為唔好嘅演員會拖冧你，有脾氣嘅又會令到拍攝唔順利，但我拍咁耐，冇演員遲到，每個演員都係用心去演，真係好難得。」
古天樂賣命崖邊攀車
陳導演擅長拍攝陽剛味重的動作電影，男演員都要賣命地由頭打到尾，而女演員在戲中只屬點綴性質，《保持通話》難得地以女主角作為戲中主線，對導演來說必定很有挑戰性。
「大S的確係我咁多電影中，最多戲份嘅女主角，因為要終於原著，所以今次對我嚟講都係一個挑戰，因為多咗女仔戲份。始終拍攝動作片，我都會揀男仔，因為一定好吃苦，下下要○氹個女仔︰『你上去啦，26樓之嘛。』不如直接搵個打得嘅上去啦。好似古仔咁，戲中好多危險場面都親身上陣，事實佢做到當然希望佢自己做番，好似喺戲中有一幕危險鏡頭，將佢連人帶車吊喺懸崖邊，佢乜都冇綁就咁爬入架車，出嚟效果好好，一氣呵成，架車身處崖邊，佢喺車入面，冇呃觀眾㗎。」Paco 陳木勝
■將於9月25日全亞洲同步上映的驚慄片《保持通話》，改編自荷里活的電影《駁命來電》。這部電影由我的偶像陳木勝執導翻拍，令我更加期待。 
■在片中飾演警察的張家輝與外籍演員貝安琪有一場激烈的槍戲。 
■大S（左）很少拍電影，但她在《保持通話》中的演出淋漓盡致，陳木勝認為她比原作的女主角金碧辛嘉更出色。 
■有一場驚險鏡頭，要將古仔連人帶車吊在懸崖邊，富專業精神的古仔二話不說便爬入車內進行拍攝。
主持︰黃栢高統籌︰林永匡協力︰袁東亮、廖思慧
翻拍自港產片《無間道》的荷里活電影《無間道風雲》也贏得奧斯卡最佳電影及導演獎，可見電影翻拍其實大有可為，雖然荷里活一早已改編港片，但至近年，才有港片購入西片版權，將上映的《保持通話》便是香港電影史上首部改編自荷里活電影的作品，原作《駁命來電》我很喜歡，現在更由我偶像陳木勝執導翻拍，的確非常期待。
「《駁命來電》的確係一部好電影，成本唔大，但概念吸引，睇過電影嘅人一定有印象，所以之後電影公司搵我重拍呢部戲就即刻答應，加上當時有晒劇本，嘩，唔使度劇本，又有人承擔創作風險，以為好正啦，點知接咗之後先感受到重拍嘅壓力，睇過嘅人都睇過原作啦，翻拍未必會睇，不過慢慢就擊破呢啲心理關口，始終兩地文化背景唔同，點解荷里活要買我哋香港片去重拍？同一個道理，所以擔心係多餘。」
4500萬驚慄動作片
《駁命來電》吸引我的地方，正是其追看性，雖然驚險場面缺乏，但仍然讓我看得透不過氣，所以《保持通話》由陳導演操刀翻拍，真的令我很期待，因為製作費已超逾4500萬，可見在觀能刺激上必較原作更為澎湃。
「初時以為改編西片好易，改落先知痛苦，因為原作好多細橋唔通，說服力唔夠，所以花咗好多時間去加強人物背景，加多啲刺激元素落去，另外，原作好多動作場面都唔係用動作場面去拍，係用驚慄片方式去拍，永遠要你估增加追看性，我都會保留呢個元素，始終原作最成功嘅橋就係駁通電話後救咗一家人嘅命，一定唔會變，當然動作、飛車及爆破場面一定比原作更大，所以喺撞車及前後期製作花費好大。」
大S演出更勝金碧辛嘉
電影由古天樂及大S（徐熙媛）擔綱演出，古仔近年在電影上的表現有目共睹，但為何會選很少拍電影的大S飾演在戲中經常要歇斯底里的女主角，這點實在讓我有點好奇。
「之前睇大S做節目覺得佢好Fresh，加上佢同古仔未合作過，所以就搵佢啦。合作過後就覺得自己冇揀錯，佢真係好好，佢唔係偶像派，係演技派，如果將佢同原作嘅金碧辛嘉比較，我覺得大S好過佢，真係好有驚喜，睇完部戲就知。古仔更加唔使講，我哋喺《寶貝計劃》已合作過，佢係一個好專業好賣命嘅演員，戲中大部份動作場面都由佢親身上陣，其實拍呢部戲好舒服，因為唔好嘅演員會拖冧你，有脾氣嘅又會令到拍攝唔順利，但我拍咁耐，冇演員遲到，每個演員都係用心去演，真係好難得。」
古天樂賣命崖邊攀車
陳導演擅長拍攝陽剛味重的動作電影，男演員都要賣命地由頭打到尾，而女演員在戲中只屬點綴性質，《保持通話》難得地以女主角作為戲中主線，對導演來說必定很有挑戰性。
「大S的確係我咁多電影中，最多戲份嘅女主角，因為要終於原著，所以今次對我嚟講都係一個挑戰，因為多咗女仔戲份。始終拍攝動作片，我都會揀男仔，因為一定好吃苦，下下要○氹個女仔︰『你上去啦，26樓之嘛。』不如直接搵個打得嘅上去啦。好似古仔咁，戲中好多危險場面都親身上陣，事實佢做到當然希望佢自己做番，好似喺戲中有一幕危險鏡頭，將佢連人帶車吊喺懸崖邊，佢乜都冇綁就咁爬入架車，出嚟效果好好，一氣呵成，架車身處崖邊，佢喺車入面，冇呃觀眾㗎。」Paco 陳木勝
