與郭政鴻仍是好友滕麗名稱無受情傷

頭條日報-娛樂

更新時間：18:20 2015-06-17
發佈時間：00:00 2009-09-25

       滕麗名及劉心悠前晚出席髮型騷，一頭橙髮的滕麗名，首次回應郭政鴻被揭有女兒一事。她強調：「呢件事無人受傷害！」
      早前有雜誌踢爆郭政鴻有一個9個月大女兒，跟他傳緋聞的滕麗名，被指是受害者，更要跟鴻仔劃清界線。前晚笑容滿臉的滕麗名說：「你見到我唔開心咩？（私底下呢？）都無！」
      問到郭政鴻有女兒一事，可感到很愕然？她笑說：「我同好朋友講咩，不會講你知。我最嬲係本雜誌，令我變成受害人。訪問的人用友情牌問我，點知佢已經設計好答案，咁做好卑鄙！咁做會傷害到人。（已回復單身了？）我一向都係單身，無分手亦無拍拖！」問到下次會否帶眼識人？她說：「佢係超級好男人，我無交錯朋友，做錯任何決定，我都會支持同尊重，呢件事無人受傷害。」雜誌指滕麗名兩次戀情，都敗給內地女仔，滕麗名說：「我唔認為係輸，根本都這件事。」至於早前被拍到與郭政鴻當街親熱，她笑說：「係double位啊！絕對無呢回事，點解要喺大街大巷，我無屋企咩？」
      另外，劉心悠就以四十年代復古造型現身，問到要經常以不同髮型出現，可會怕禿頭？她笑說：「又無咁嚴重，最重要係洗頭洗得乾淨同勤做護理。」