Canon女鬥癲 Jessica C.疑拍淫片師妹Alice B. 街頭鎖咀壯男

頭條日報-娛樂

更新時間：03:04 2015-06-19
發佈時間：00:00 2011-10-21

       第一代Canon女「警鐘胸」Jessica C.呢期衰到貼地，失戀後又因涉嫌偷錢被捕，加上可置她於死地的疑似淫片事件，形象盡失，警鐘再響都幫佢唔到。年初曾因大師姐到荷里活試鏡而成功攝位的第四代Canon女、21歲的Alice B.原來同樣貪玩愛「分享」。上周六晚，這位曾自爆16歲前非常墮落的英泰混血模到Dargon-i夜蒲，臨入場前，「夜媽媽」戴黑超的Alice突拉着送她到場的壯健男友人狂啜，雙手更環抱男方的腰務求將對方鎖死，實在令人歎為觀止。採訪：陳辰、畢紹基
      對於有疑似Jessica C.的淫照流出，Alice有話說：「佢好不幸，拍咗要小心處理，呢啲真係好嚴重同負面，以前男友都有叫過我拍，但我從來唔會咁做。」講到咁正氣凜然，但Alice曾自爆16歲前因被家庭忽視而變得相當反叛，酗酒濫交吸毒樣樣做齊，「我只可以講16歲前我乜都試過晒！」加上出道後即被雜誌大揭其私生活放蕩，facebook內的照片全屬啜仔及隊酒扯煙的開P照，這位32C的蝴蝶胸（因胸前有蝴蝶紋身）其實都不是省油燈。
      生擒功夫到家
      上周六晚，聲稱單身的Alice與男友人在蘇豪區食晚飯，11時多，戴黑超的女方由男友人陪同下步往Dragon-i，沿途兩人一直無任何親密接觸，邊行邊傾絕對規矩，但差不多到達目的地時，可能Alice突然好唔捨得，竟主動捉實男方狂咀，雙手更環抱男方的腰務求以一招「奪命鎖」將對方鎖死，兩人在街頭切磋咀功十多分鐘，咀夠鎖夠，Alice才願意放手；之後，她跟三男三女友人在Dragon-i純粹吹水，飲得少講得多，Alice扮足兩粒鐘淑女後才清醒地離開。