有片│筲箕灣「笨賊」文具店偷陀螺 樣貌引起網民震驚
更新時間：15:10 2024-11-27
發佈時間：15:10 2024-11-27
發佈時間：15:10 2024-11-27
字體大小
筲箕灣出現酷似影帝「梁朝偉」的笨賊，前日（25日）下午2時許，一名中年漢在南安街一間文具紙業店瀏覽，趁店員不為意，擸走兩個陀螺，然後若無其事轉身離去，店主翻查閉路電視揭發竊行，諷刺賊人：「陀螺要有個發射器先玩到，你偷一半又唔偷一半」。
片段全長20秒，片中賊人身穿灰色長褲及白色外套，年約四、五十歲，驟眼看有幾分貌似梁朝偉，他停留在門口附近，一手拿起兩隻陀螺細看，繼而窺看一下店內動靜，便「靜雞雞」走了。
其後，店主發現兩隻陀螺不翼而飛，翻看閉路電視始知被人偷去，今（27日）在網上發文：「呢位先生，經過我舖頭見到我賣嘅陀螺吸引到佢，一出手就擸咗兩個，$6 一個你都偷，我都唔緊要喇，最大問題係個陀螺要有個發射器先玩到，你偷一半又唔偷一半，依家搞到多咗兩舊垃圾喺我舖頭呀」。
賊人貌似梁朝偉。
被竊物品雖然價錢不高，但礙於賊人貌似影帝，引起熱議：「矇矇地正面有兩分似朝偉」、「咁似梁朝偉既（嘅）」、「梁朝偉？」、「咁似涼茶偉」。
