周顯 - 不道德先搵到錢 | 政政經經
周顯
2024-09-19 02:00
字體大小
我常常批評香港政府，經濟搞得不好，有人反過來批評我：「錦鯉」有乜高見？
我說：「我們這些寫稿佬，梗係有批評無建設，又唔係請我做高官、議員、智庫，無出糧畀我，我有乜責任要講建設？批評呢家嘢，在新聞學，專業名詞叫社會監察，英文叫social surveillace，批評已經係盡咗公民責任，同埋傳媒責任㗎啦。」
不過我可以告訴大家，我有十萬條計策，可以幫助到經濟，當然不是一條就可以救返生，不過積少成多，每樣賺少少，都可以幫補唔少。反而好似夜繽紛，熊貓經濟，前者係蝕本貨，後者係搞笑，就真係倒米嘞。
香港崛起靠「跳舞跑馬」
隨便講講，可以搞下麻將經濟，馬會賭籃球，24小時炒股，銅鑼通宵夜蒲……係呀你鬧得啱，全都唔係好事。
話說香港崛起，全都都係靠不道德，所以鄧小平喺收返香港之前，都要保證「舞照跳，馬照跑」，因為呢啲先至係我們的核心價值。𠵱家又要有道德，又要搵錢，咪傻啦，世界有咁美好㗎咩？
周顯
