頭條戲場——《007：生死有時》唔係Fans都要入場見證歷史
頭條戲場
2021-10-02 04:18
字體大小
《007：生死有時》是007系列的第25部，承接着2015年《007：鬼影帝國》的結尾，諗住退休的占士邦（Daniel Craig飾）同Madeleine Swann(Léa Seydoux 飾)揸住Aston Martin DB5絕塵而去，以為匿埋低調可過平淡生活？唔好玩啦，你係占士邦呀。Daniel最後一次演占士邦，除咗一向超乎常理嘅避彈能力外，更變成一個更有血有肉嘅人。（上映中） 撰文：廖思慧
作為首部採用IMAX攝影機拍攝的007系列，部份內容呈現 1.43:1 IMAX銀幕完整畫面。導演Cary Joji Fukunaga說：「用IMAX巨幕呈現嘅電影更好睇，我認為呢部戲最令人興奮就係用咗IMAX膠卷底片拍攝，每一幀畫面都非常巨大，能夠容納最多的資訊及細節，感覺好唔同。」
爆破場口有望創紀錄
007一貫內容不外乎槍戰、追車及肉搏，但IMAX畫面的確令動作場口更加驚心動魄，靚景就當然更加睇到好想去，如電影開場在意大利古城追車一幕，嗰種宏偉同靚同震撼唔睇IMAX真係好浪費。另外今集有兩場大型爆破場面，其中一場是電影的高潮位，在英國國防部於索爾茲伯里的軍事訓練基地拍攝，一個鏡頭中連續三次大爆炸，每個爆炸都用了40公斤炸藥，有望刷新史上最強火力的電影爆破場口紀錄。
電影片長164分鐘，開頭滿分，結局好悲壯，反派Safin（Rami Malek飾）弱到唔想討論，睇呢類片種唔使講邏輯，總之商業片應有嘅元素齊晒，仲要好豐富，作為Daniel Craig最後一演，好想同佢講句辛苦晒。
冇氣反派
■Rami Malek飾演嘅反派唔夠邪惡，仲成日冇神冇氣咁。
超靚特務
■全片討論度最高嘅角色Paloma (Ana de Armas飾)，出場唔多但非常搶眼。
又係佢呀
■着到咁性感揸槍同壞人駁火，值得出多一張相啦。
Bond的最愛
■Madeleine係占士邦最愛嘅女人，今集佔戲同樣好重。
新任特務
■Nomi (Lashana Lynch飾)是MI6的新特務，為人幽默，成日笑占士邦老餅。
作為首部採用IMAX攝影機拍攝的007系列，部份內容呈現 1.43:1 IMAX銀幕完整畫面。導演Cary Joji Fukunaga說：「用IMAX巨幕呈現嘅電影更好睇，我認為呢部戲最令人興奮就係用咗IMAX膠卷底片拍攝，每一幀畫面都非常巨大，能夠容納最多的資訊及細節，感覺好唔同。」
爆破場口有望創紀錄
007一貫內容不外乎槍戰、追車及肉搏，但IMAX畫面的確令動作場口更加驚心動魄，靚景就當然更加睇到好想去，如電影開場在意大利古城追車一幕，嗰種宏偉同靚同震撼唔睇IMAX真係好浪費。另外今集有兩場大型爆破場面，其中一場是電影的高潮位，在英國國防部於索爾茲伯里的軍事訓練基地拍攝，一個鏡頭中連續三次大爆炸，每個爆炸都用了40公斤炸藥，有望刷新史上最強火力的電影爆破場口紀錄。
電影片長164分鐘，開頭滿分，結局好悲壯，反派Safin（Rami Malek飾）弱到唔想討論，睇呢類片種唔使講邏輯，總之商業片應有嘅元素齊晒，仲要好豐富，作為Daniel Craig最後一演，好想同佢講句辛苦晒。
更多文章
