頭條戲場 - 《破浪男女》 逼死人的赤裸純愛故事 | 頭條戲場
頭條戲場
2024-10-16 02:00 HKT
字體大小
新聞稿咁寫，「金馬影帝吳慷仁全裸衝擊電檢尺度，屬台灣電影史最大尺度的情色愛情電影。」打晒底入場依然大開眼界，導演楊雅喆為觀眾帶來一齣好有意思、非常有質感兼畫面好靚的情色電影。兩位女主角均有正面全裸場口，吳慷仁就晒冷式露三點兼會同「菊花」有近距離接觸，而香港代表柯煒林就着黑膠衫半裸玩SM，4個人兩段唔真實的關係，有人玩彌補，有人沉迷逃避，歡愉過後又自覺好罪惡又呢又路，人類真係麻鬼煩。（上映中）撰文︰廖思慧
電影以新時代的愛情觀「約炮」為主題，透過連場大膽性愛場面，如男女、男男、多P、BDSM等探討都市人點解唔拍拖，沉迷「約炮」。兩位女主角分別是30歲的劉主平，首次全裸演出已去到好盡，全片有超過3分1時間都係冇着衫，加上動作場面非常大膽露骨，一幕被吳慷仁吮腳趾及壓軸3P大戰，睇到面都紅埋。另一女角32歲梁湘華更憑電影入圍本屆金馬獎最佳新演員。
尺度真係好癲
戲中沉迷SP的小綠（劉主平飾）及閨密白Q（梁湘華飾）只靠短訊聯繫，傾偈內容大部分是至尊色色級別，例如小綠會開心分享「快樂」器官的顏色、狀態，跟SP「單親霸」（吳慷仁飾）相處的點滴，女人講鹹濕嘢講到咁入血認真少見。而白Q是一個零話事權的富二代，父母話乜就乜，當然連老公都唔輪到佢揀，因為寂寞因為凍，選擇付費自虐，從膠衣縛繩師「Uberdick」（柯煒林飾）身上獲得快感。
戲中雖然有大量情色動作場面，但所有歡愉背後都有一種痛，如你抱住純睇肉心態入場，應該會睇到好無力兼無癮。另外，片中充斥各種明喻及暗喻，睇唔明都唔使愁，我目標就係柯煒林，佢演得好又操到勁大隻，心滿意足。最欣賞片尾曲「日本佛系音樂家」藥師寺寬邦所演唱的《楞嚴咒》，可以遠離負面詛咒，純淨心靈，相信大家都好需要。
頭條戲場
導演在戲中將水及浪的意象用得好好。
白Q活得不快樂，畀錢「Uberdick」縛自己尋求快感。
吳慷仁露三點，我就覺得嗰幕唔太需要。
小綠有一個秘密，佢唔想「單親霸」知，但其實對方已知。
白Q跟被分配的富二代影婚照，畫面好嘔心。
德國心理治療大師Bert Hellinger曾經講過，「受苦比解決問題容易」，好適合形容佢哋。
最Hit
長者優惠2025｜135大樂悠咭/長者咭食買玩折扣！海洋公園免費入場/配眼鏡減$600/美心MX晚市7折
2025-02-10 15:39 HKT
TVB賽馬日出齊最紅小生花旦！現場片段見證一視后萬千寵愛 獲高層楔位摟纖腰
2025-02-10 10:00 HKT
百佳優惠｜買$60即沖茶/咖啡送$64維他奶 網購再加送 網民大讚：贈品仲貴過消費
2025-02-10 15:57 HKT
更多文章
