Executive日記——唐樓重建要搵舖搬 呂仔記門鱔燒賣 粉絲趕住食
KellyChu
2020-07-21 04:16
字體大小
大家想食大大粒嘅門鱔燒賣，要抓緊機會啦。以好味門鱔燒賣馳名嘅呂仔記，受唐樓將清拆影響，要搵舖位搬，小妹希望小店喺十一月搬得成。無論點都好，粉絲快啲去力撐咁有本地風味嘅食店啦。
喺筲箕灣東大街開業四十多年嘅呂仔記，除咗燒賣出名，粉果、咖哩魚蛋、生菜魚肉、碗仔翅等小食都有好多粉絲，仲有腐竹雞蛋、喳咋等多款糖水，唔單止吸引好多人跨區嚟歎，仲有好多明星支持，店內會見到靚仔東主同好幾位名星嘅合照。Kelly日前去幫襯，拮燒賣阿姐認得小妹，仲叫我得閒多啲嚟，原來呂仔記所在嘅一排唐樓，業主將收番清拆改建，而店東仲未搵到新舖位。
燒賣阿姐話：「附近租貴，十一月前就要搬。」小妹驚聞噩耗，即刻叫齊各款小食同糖水大吃一頓，仲想叫碗車仔麵，點知車仔麵檔阿姐話暫停供應，直至另行通知。
小妹將呢個消息話畀為食朋友知，個個話不捨，話要去食燒賣，咁又係，城中真係冇另一間小店用正黃門鱔，唔溝其他品種嘅魚肉，仲自家劏魚、起骨、打魚漿等繁複工序，日日新鮮製造，所以憑一粒燒賣，呂仔記就深入民心。
Kelly Chu
喺筲箕灣東大街開業四十多年嘅呂仔記，除咗燒賣出名，粉果、咖哩魚蛋、生菜魚肉、碗仔翅等小食都有好多粉絲，仲有腐竹雞蛋、喳咋等多款糖水，唔單止吸引好多人跨區嚟歎，仲有好多明星支持，店內會見到靚仔東主同好幾位名星嘅合照。Kelly日前去幫襯，拮燒賣阿姐認得小妹，仲叫我得閒多啲嚟，原來呂仔記所在嘅一排唐樓，業主將收番清拆改建，而店東仲未搵到新舖位。
燒賣阿姐話：「附近租貴，十一月前就要搬。」小妹驚聞噩耗，即刻叫齊各款小食同糖水大吃一頓，仲想叫碗車仔麵，點知車仔麵檔阿姐話暫停供應，直至另行通知。
小妹將呢個消息話畀為食朋友知，個個話不捨，話要去食燒賣，咁又係，城中真係冇另一間小店用正黃門鱔，唔溝其他品種嘅魚肉，仲自家劏魚、起骨、打魚漿等繁複工序，日日新鮮製造，所以憑一粒燒賣，呂仔記就深入民心。
Kelly Chu
更多文章
