Executive日記——曾與染疫鄧達智聚餐 小鳳姐Gigi姐幸無恙
KellyChu
2020-07-27 04:17
字體大小
著名時裝設計師鄧達智（William）確診兩日，佢話畀Kelly知，自己無發燒亦無唔舒服，留喺屋企，等候入院，佢好關心身邊嘅親友，據佢所知，曾經喺七月十一日晚上同佢聚餐嘅徐小鳳（小鳳姐）同黃淑儀（Gigi姐），都做咗檢測，兩人都無事。
William話，早排為咗趕新書出爐，捱咗一輪通宵，上周四去咗港台主持節目《講東講西》，兩日後接受聯合出版集團網台「一本」嘅訪問，同日去新城為節目《遊山玩水》錄音。至上周一，佢知道接待過佢嘅三聯女公關同新城有員工確診，雖然自己無病徵但唔安心，喺上周五分別由化驗專家朋友和醫生朋友為佢做檢測，兩個樣本結果都呈陽性。
Kelly噚日致電問候William，佢把聲好醒神，又無發燒，仲服咗中藥，喉嚨舒服咗O添。佢話，約兩星期前同一班好友聚餐，預祝佢新書面世，同場有小鳳姐同埋Gigi姐。佢透露，二人做咗檢測都無事，其他出席朋友亦無病徵。
不過，William昨天收到消息，佢嘅伴侶陳醫生被界定為緊密接觸者，需要入住檢疫中心，暫時要放低喺多間私院嘅工作。小妹衷心祝福佢同陳醫生嘅生活快啲回復正常啦！
Kelly Chu
William話，早排為咗趕新書出爐，捱咗一輪通宵，上周四去咗港台主持節目《講東講西》，兩日後接受聯合出版集團網台「一本」嘅訪問，同日去新城為節目《遊山玩水》錄音。至上周一，佢知道接待過佢嘅三聯女公關同新城有員工確診，雖然自己無病徵但唔安心，喺上周五分別由化驗專家朋友和醫生朋友為佢做檢測，兩個樣本結果都呈陽性。
Kelly噚日致電問候William，佢把聲好醒神，又無發燒，仲服咗中藥，喉嚨舒服咗O添。佢話，約兩星期前同一班好友聚餐，預祝佢新書面世，同場有小鳳姐同埋Gigi姐。佢透露，二人做咗檢測都無事，其他出席朋友亦無病徵。
不過，William昨天收到消息，佢嘅伴侶陳醫生被界定為緊密接觸者，需要入住檢疫中心，暫時要放低喺多間私院嘅工作。小妹衷心祝福佢同陳醫生嘅生活快啲回復正常啦！
Kelly Chu
最Hit
更多文章
