Executive日記——馬季開鑼「成雙成對」 拉頭馬限二人合照
KellyChu
2020-09-07 04:17
字體大小
新馬季昨午喺沙田馬場開鑼，疫情下，出現一啲前所未有嘅場面，由於二人限聚令維持，開鑼戰只准參賽馬主入場觀戰，以往馬迷一早排隊等公眾席開大閘爭相敲鑼嘅墟冚鏡頭冇出現，就連開幕儀式亦從簡，馬會高層傳統上會喺天幕亮相圈一字排開，見證特首在場銅鑼一敲，今年特首既無駕臨，馬會十二大董亦全無出現亮相，只由馬會主席陳南祿留守室內單人敲鑼，過程於大屏幕直播。
二人限聚令亦令昨日沙田馬場第一次出現逢人都「成雙成對」，包括馬主喺凱旋門拉頭馬也不例外。以往嘅練騎、馬主及大群來賓一大班人影威水大合照，昨天變成只有馬主同練馬師或騎師各有各影，只限二人合照。重頭戲第八場特首盃跑完，頒獎台上就只見主席陳南祿形單隻影，等贏馬馬主、練馬師及騎師逐個上台捧盃，似足爭相搵祿哥集郵。祿哥於上個馬季尾才「坐正」，第一次為馬季揭幕主禮，經驗與別不同，認真難忘。
Kelly Chu
二人限聚令亦令昨日沙田馬場第一次出現逢人都「成雙成對」，包括馬主喺凱旋門拉頭馬也不例外。以往嘅練騎、馬主及大群來賓一大班人影威水大合照，昨天變成只有馬主同練馬師或騎師各有各影，只限二人合照。重頭戲第八場特首盃跑完，頒獎台上就只見主席陳南祿形單隻影，等贏馬馬主、練馬師及騎師逐個上台捧盃，似足爭相搵祿哥集郵。祿哥於上個馬季尾才「坐正」，第一次為馬季揭幕主禮，經驗與別不同，認真難忘。
Kelly Chu
更多文章
