Executive日記——「蔡神仙」九年來首次開鑼戰贏馬 「凌駕」 爆冷報捷 廖長江風騷代攞獎
KellyChu
2020-09-08 04:17
字體大小
沙田馬季開鑼日前天圓滿結束，人稱「蔡神仙」嘅十一屆練馬師蔡約翰一改慢熱作風，九年來第一次喺開鑼戰贏馬，而且一贏就贏足兩場，其中開齋頭馬「凌駕」嘅來頭尤其厲害，皆因馬主「誠意團體」成員全部非富則貴，經理人係李國能同廖長江，成員包括榮智健同其公子千金，仲有許晉亨、陳文生同名醫生李國棟。如果唔係疫情下馬會限制入場人數，呢批猛人齊集凱旋門拉頭馬，場面會勁過不少城中盛事。
呢次「凌駕」報捷，Kelly只見身兼馬會董事嘅廖長江落沙圈做代表，贏完馬先後同蔡約翰及騎師莫雷拉合照。但按「凌駕」嘅表現，相信當疫情一過，佢再次報捷嘅話，沙圈上一幅「齊腳」猛人拉頭馬相，乃是指日可待，相信到時會盛況空前。
馬圈朋友話，「凌駕」年紀尚輕，出道以來七戰只一次不入前四名，今仗身負頂磅仍爆出十三倍冷門完成跨季連贏，姿態更遠比上季成大熱門開齋時輕鬆得多，明顯大把在手。話時話，「凌駕」嘅年紀正合乎參加今年三場四歲馬系列大賽，前天贏完增至六十六分，如果繼續進步，隨時連打吡都有胡叫！
Kelly Chu
■「凌駕」爆出十三倍冷門完成跨季連贏。
呢次「凌駕」報捷，Kelly只見身兼馬會董事嘅廖長江落沙圈做代表，贏完馬先後同蔡約翰及騎師莫雷拉合照。但按「凌駕」嘅表現，相信當疫情一過，佢再次報捷嘅話，沙圈上一幅「齊腳」猛人拉頭馬相，乃是指日可待，相信到時會盛況空前。
馬圈朋友話，「凌駕」年紀尚輕，出道以來七戰只一次不入前四名，今仗身負頂磅仍爆出十三倍冷門完成跨季連贏，姿態更遠比上季成大熱門開齋時輕鬆得多，明顯大把在手。話時話，「凌駕」嘅年紀正合乎參加今年三場四歲馬系列大賽，前天贏完增至六十六分，如果繼續進步，隨時連打吡都有胡叫！
Kelly Chu
更多文章
