Executive日記——忙於抗疫 照顧病重丈夫 張醫生出庭作供 市民喊加油
KellyChu
2020-11-03 04:16
字體大小
每天下午四點半，Kelly同好多人都習慣上網，見一見張竹君醫生(見圖)，聽佢匯報疫情，同佢一起憂戚與共。近日大家特別關心佢，原來佢連月忙於抗疫，近日丈夫傳出病重嘅消息。昨天疫情冇新發展，記者會暫停，但張醫生無放下工作，反而現身高等法院，代表衞生署作供，離開法院時被市民認出，邀請合照，仲為佢「加油」打氣O添。
衞生署衞生防護中心傳染病處主任張竹君昨早到高院，就「DR醫學美容誤殺案」作供，講述衞生署嘅調查報告。庭上，法官張慧玲如常吩咐各證人使用酒精搓手液消毒雙手，及除低口罩作供，其間張官笑言︰「不過，相信唔使我教，一向都喺你（張竹君）教我哋點做。」
張醫生作供約半個鐘後離開，喺法院升降機被一名市民認出同邀請合照。由於法院內唔可以影相，張醫生去到法院大樓外才大方同對方自拍，該名市民向張醫生講「加油！」，道出好多市民嘅心聲，反映張醫生好得市民愛戴。
Kelly見張醫生除咗疫情外，仲有咁多公事兼顧，又要到醫院探望丈夫，真係好佩服，希望疫情盡早結束，大家早日回復正常嘅生活。
Kelly Chu
衞生署衞生防護中心傳染病處主任張竹君昨早到高院，就「DR醫學美容誤殺案」作供，講述衞生署嘅調查報告。庭上，法官張慧玲如常吩咐各證人使用酒精搓手液消毒雙手，及除低口罩作供，其間張官笑言︰「不過，相信唔使我教，一向都喺你（張竹君）教我哋點做。」
張醫生作供約半個鐘後離開，喺法院升降機被一名市民認出同邀請合照。由於法院內唔可以影相，張醫生去到法院大樓外才大方同對方自拍，該名市民向張醫生講「加油！」，道出好多市民嘅心聲，反映張醫生好得市民愛戴。
Kelly見張醫生除咗疫情外，仲有咁多公事兼顧，又要到醫院探望丈夫，真係好佩服，希望疫情盡早結束，大家早日回復正常嘅生活。
Kelly Chu
更多文章
