Executive日記——「美酒佳餚巡禮」線上玩 名家教整「黯然銷魂飯」
KellyChu
2020-11-04 04:17
字體大小
疫情下，好多機構一動不如一靜，暫停大型活動，但旅遊發展局一班同事諗過度過之後，認為持續舉行年度盛事——「香港美酒佳餚巡禮」，只要改為線上線下雙軌推行，一來可以讓飲食業界爭取業務，二來等市民享受優質嘅活動，一舉兩得，嚟緊就有線上名家指導品酒同名廚教煮黯然銷魂飯，Kelly一定搶先報名參加。
旅發局企業事務總經理梁美寶話，今年「香港美酒佳餚巡禮」仲會由往年嘅四天延長至五星期（由11月11日至12月15日），啱晒大家編排時間上網參與。佢推介，「線上」活動非常豐富，大家安坐家中，就可以優惠嘅折扣網購美酒、享用外賣或送美酒美食，部份米芝連名店首五十個定單仲免外賣費㗎。
Kelly就謀住參加「網上大師班」，首選係名廚戴龍師傅教授「香港食神之黯然銷魂飯」，參加者可以預先網購食材套裝（售價$200），速遞送到府上，然後召集朋友到家中，跟戴師傅一同烹調一碗銷魂飯。另外，小妹好想跟全球知名酒評家James Suckling學品酒，佢會推介三支性價比高、香港從未發售的波爾多最新佳釀，一定學到品味品酒，諗起都開心。
Kelly Chu
■Ritz Carlton "Gourmet at Home" set的精美牛扒和雞。
旅發局企業事務總經理梁美寶話，今年「香港美酒佳餚巡禮」仲會由往年嘅四天延長至五星期（由11月11日至12月15日），啱晒大家編排時間上網參與。佢推介，「線上」活動非常豐富，大家安坐家中，就可以優惠嘅折扣網購美酒、享用外賣或送美酒美食，部份米芝連名店首五十個定單仲免外賣費㗎。
Kelly就謀住參加「網上大師班」，首選係名廚戴龍師傅教授「香港食神之黯然銷魂飯」，參加者可以預先網購食材套裝（售價$200），速遞送到府上，然後召集朋友到家中，跟戴師傅一同烹調一碗銷魂飯。另外，小妹好想跟全球知名酒評家James Suckling學品酒，佢會推介三支性價比高、香港從未發售的波爾多最新佳釀，一定學到品味品酒，諗起都開心。
Kelly Chu
更多文章
