Executive日記——馬會搞新意 投注站開茶餐廳
KellyChu
2020-11-07 04:17
字體大小
好多馬迷去馬會投注站買馬仔，都會去附近茶餐廳飲吓奶茶、食個包，如果投注站裏面有埋茶餐廳就好囉。呢個夢想終於成真啦，馬會大搞新意思，首創喺北角電氣道投注站樓上開茶餐廳，馬迷可以一面睇住賽事同賠率，一面享受美食，然後去櫃枱或投注機落注。Kelly收到風即去幫襯體驗，不知幾爽。馬會咁有心思，抵畀個Like！
北角電氣道投注站內嘅茶餐廳，名叫「永勝冰室」（英文為Wins Cafe），夠晒好意頭。Kelly投注完想入去食個lunch，百幾個位已經滿咗九成，好辛苦搵到個位，見到裝修新淨不在話下，仲裝咗多部屏幕，可以睇住賽馬直播同賠率，又或者足球賽事。投注櫃枱就喺旁邊，又有投注機，極之方便。
食食吓嘢，Kelly見到馬會主席陳南祿同零售及電話投注主管Grace嚟巡視，即刻埋去畀隻手指公。Grace話呢個地方原先係辦公室，馬會見馬迷有需要，就地盡其用，開咗o依間冰室，係投注站內開嘅第一間餐廳，裝修都用咗好多心意，開張咗只大半個月，好受馬迷同街坊歡迎。
Kelly同朋友即場試咗黑松露炒蛋菠蘿包、肉燥茄子豬扒飯、西多士同紅豆冰，都好唔錯。原來負責營運嘅Studio City，經營多間餐廳，好有經驗，唔怪得水準咁高，令Kelly有身處馬會會所嘅感覺。
Kelly Chu
■馬會主席陳南祿在現場向Kelly示範用投注機。
北角電氣道投注站內嘅茶餐廳，名叫「永勝冰室」（英文為Wins Cafe），夠晒好意頭。Kelly投注完想入去食個lunch，百幾個位已經滿咗九成，好辛苦搵到個位，見到裝修新淨不在話下，仲裝咗多部屏幕，可以睇住賽馬直播同賠率，又或者足球賽事。投注櫃枱就喺旁邊，又有投注機，極之方便。
食食吓嘢，Kelly見到馬會主席陳南祿同零售及電話投注主管Grace嚟巡視，即刻埋去畀隻手指公。Grace話呢個地方原先係辦公室，馬會見馬迷有需要，就地盡其用，開咗o依間冰室，係投注站內開嘅第一間餐廳，裝修都用咗好多心意，開張咗只大半個月，好受馬迷同街坊歡迎。
Kelly同朋友即場試咗黑松露炒蛋菠蘿包、肉燥茄子豬扒飯、西多士同紅豆冰，都好唔錯。原來負責營運嘅Studio City，經營多間餐廳，好有經驗，唔怪得水準咁高，令Kelly有身處馬會會所嘅感覺。
Kelly Chu
更多文章
