Executive日記——M+博物館LED巨幕 夜賞視覺文化藝術
KellyChu
2021-03-13 04:17
字體大小
M+博物館仍在興建中，昨日首次安排傳媒參觀，Kelly親身體會呢幢建築物嘅宏偉，大樓由一縱一橫嘅大塊樓面構成，呼應一天一地，亮點莫過於大樓一幅大型LED展示屏幕，日後會播放多變嘅媒體影像，與香港嘅夜景互相輝映，值得期待！
呢個近睇猶如一塊大布嘅LED展示屏幕，係M+大樓南面嘅外牆，對出嘅空地將會係一個戶外視覺藝術展覽場地，又係一個有維港無敵海景嘅花園平台，打卡一流。走入大樓，發現外牆係以竹節嘅陶瓦設計而成，可以加強建築物抵禦濕度，而冷氣由地下向上，天花有排孔，環保又控溫保護展品。
大樓採光都好有特色，入口有多盞大燈，看似屠房入面嘅半球體式燈罩，又會利用天窗向北嘅優勢，引入自然光。
M+大樓唔止係一座全新嘅文化地標，展覽面積仲好大，僅次於一九七七年開幕嘅巴黎龐比度藝術中心，成為全球第二大嘅當代視覺文化博物館，傲視全亞洲，相信到時一定會吸引好多藝術愛好者慕名參觀。當局估計年底就可以開幕，令人期待。
Kelly Chu
■M+博物館大樓設有一幅大型LED展示屏幕。
呢個近睇猶如一塊大布嘅LED展示屏幕，係M+大樓南面嘅外牆，對出嘅空地將會係一個戶外視覺藝術展覽場地，又係一個有維港無敵海景嘅花園平台，打卡一流。走入大樓，發現外牆係以竹節嘅陶瓦設計而成，可以加強建築物抵禦濕度，而冷氣由地下向上，天花有排孔，環保又控溫保護展品。
大樓採光都好有特色，入口有多盞大燈，看似屠房入面嘅半球體式燈罩，又會利用天窗向北嘅優勢，引入自然光。
M+大樓唔止係一座全新嘅文化地標，展覽面積仲好大，僅次於一九七七年開幕嘅巴黎龐比度藝術中心，成為全球第二大嘅當代視覺文化博物館，傲視全亞洲，相信到時一定會吸引好多藝術愛好者慕名參觀。當局估計年底就可以開幕，令人期待。
Kelly Chu
更多文章
