Executive日記——海洋公園水上樂園最快八月開幕 「大喇叭」急流旋渦超好玩
KellyChu
2021-03-18 04:16
字體大小
Kelly期待已久嘅海洋公園水上樂園，最快今年八至九月開幕，外形好似大喇叭嘅「急流漩渦」應該好玩好多fun。「八彩天梯」亦係打卡熱點，呢個炎夏又要去海洋公園玩番轉。
據最新披露嘅水上樂園照片，「急流漩渦」採用二合為一方法，有一長一短嘅彎彎曲曲瀡滑梯，入場者同三位朋友坐喺大水泡上，可選擇高度較高嘅滑梯，或是離地較矮嘅滑梯，瀡落去就彷彿喺開放式大喇叭上反覆轉圈。場內最受矚目嘅就喺「八彩天梯」，一如其名，有八條顏色相疊嘅彩虹滑水長梯延伸近海邊。
Kelly亦好期待「旋風．急轉雙子梯」，一組滑梯有兩種選擇，無論旋風定急轉都一樣刺激，遊客坐喺大型水泡挑戰旋轉急彎感受離心快感，一家大細都適合。
海洋公園特別設計咗一條水泡輸送帶，遊客毋須一邊拎大型水泡，一邊辛苦走上多層樓梯。
除咗較刺激嘅滑梯，水上樂園都設有兒童天地，包括「威威水地帶」，適合十二歲以下嘅小朋友玩水。
Kelly Chu
據最新披露嘅水上樂園照片，「急流漩渦」採用二合為一方法，有一長一短嘅彎彎曲曲瀡滑梯，入場者同三位朋友坐喺大水泡上，可選擇高度較高嘅滑梯，或是離地較矮嘅滑梯，瀡落去就彷彿喺開放式大喇叭上反覆轉圈。場內最受矚目嘅就喺「八彩天梯」，一如其名，有八條顏色相疊嘅彩虹滑水長梯延伸近海邊。
Kelly亦好期待「旋風．急轉雙子梯」，一組滑梯有兩種選擇，無論旋風定急轉都一樣刺激，遊客坐喺大型水泡挑戰旋轉急彎感受離心快感，一家大細都適合。
海洋公園特別設計咗一條水泡輸送帶，遊客毋須一邊拎大型水泡，一邊辛苦走上多層樓梯。
除咗較刺激嘅滑梯，水上樂園都設有兒童天地，包括「威威水地帶」，適合十二歲以下嘅小朋友玩水。
Kelly Chu
更多文章
