Executive日記——漁護署與大學合辦保育珊瑚項目 鼓勵保護海岸 黃錦星吳樹培領養「珊瑚BB」變爭地盤
KellyChu
2021-08-30 04:17
字體大小
香港成立世界地質公園十周年，地質公園蘊藏珍貴嘅生態資源，亦係珊瑚嘅寶庫。為咗加強保護海岸，漁護署與中大合辦「育養珊瑚」，環境局局長黃錦星當然支持，領養咗「珊瑚BB」，點知唔同種嘅珊瑚BB打交，好彩發現得早，隔開兩種珊瑚BB，圓滿解決事件，局長嘅珊瑚亦順利康復！
局長發網誌話，署方近年與唔同嘅組織合作一齊保護海岸，其中漁護署同中大合辦「育養珊瑚校園計劃」，鼓勵學校成為珊瑚培育基地。黃錦星話，自己同中大校長段崇智同副校長吳樹培一齊領養「珊瑚BB」，點知副校長嘅「扁腦珊瑚」唔夠位生長，攻擊隔離「同學」，即係佢養嘅「鹿角珊瑚」，仲受咗輕傷，好彩發現得早，大家隔開兩種珊瑚BB，解決內鬥事件，屬於局長嘅鹿角珊瑚亦順利康復。大家育養嘅珊瑚，今年亦都回歸吐露港赤門海峽嘅海底世界！
同時，署方亦委託港大進行「珊瑚礁盤」復育項目，利用3D設計和打印，以赤陶土燒製，成功為珊瑚碎塊製造新屋企令佢哋生長得更好，仲成功吸引大量珊瑚魚！局長提醒大家，一個不經意誤墜海中嘅膠袋，都可以纏繞珊瑚致死，所以記得要源頭減廢，自己垃圾自己帶走，奉行野外活動守則「山海無痕」，保護美麗郊野同海岸公園。
Kelly Chu
局長發網誌話，署方近年與唔同嘅組織合作一齊保護海岸，其中漁護署同中大合辦「育養珊瑚校園計劃」，鼓勵學校成為珊瑚培育基地。黃錦星話，自己同中大校長段崇智同副校長吳樹培一齊領養「珊瑚BB」，點知副校長嘅「扁腦珊瑚」唔夠位生長，攻擊隔離「同學」，即係佢養嘅「鹿角珊瑚」，仲受咗輕傷，好彩發現得早，大家隔開兩種珊瑚BB，解決內鬥事件，屬於局長嘅鹿角珊瑚亦順利康復。大家育養嘅珊瑚，今年亦都回歸吐露港赤門海峽嘅海底世界！
同時，署方亦委託港大進行「珊瑚礁盤」復育項目，利用3D設計和打印，以赤陶土燒製，成功為珊瑚碎塊製造新屋企令佢哋生長得更好，仲成功吸引大量珊瑚魚！局長提醒大家，一個不經意誤墜海中嘅膠袋，都可以纏繞珊瑚致死，所以記得要源頭減廢，自己垃圾自己帶走，奉行野外活動守則「山海無痕」，保護美麗郊野同海岸公園。
Kelly Chu
更多文章
