Executive日記——《百分百感覺》郵票 重溫那些年
KellyChu
2021-09-03 04:19
字體大小
著名港產漫畫《百分百感覺》係唔少人嘅集體回憶，Kelly都係fans嚟。香港郵政宣佈，本月十六日發行以《百分百感覺》為題嘅一套六枚郵票、兩張郵票小型張及相關集郵品，喺細緻嘅筆觸同鮮明嘅色彩下，引領大家一齊走進漫畫世界，回首青澀歲月。
《百分百感覺》係漫畫家劉雲傑嘅原創漫畫，故事以香港為背景，刻劃錯綜複雜嘅現代都市愛情，曾於○八年獲得日本外務省頒發第二屆「國際漫畫獎最優秀獎」，揚名海外。一套六枚郵票以漫畫中嘅主角為題材，喺灰色外框及漫畫黑白背景嘅襯托下，擁鮮明色彩嘅漫畫角色更顯突出。十蚊及二十蚊郵票小型張分別以漫畫封面作郵票設計，背景則取材自故事開端時，男主角許樂及Jerry與女主角Cherie初遇嘅經典情節。二十蚊郵票小型張嘅左方加上磨砂油墨以模擬漫畫嘅印刷效果，同時亦加上光漆凸顯故事人物。各郵政局將由本月十六日起發售依套特別郵票及相關郵品，粉絲唔好錯過呀！
Kelly Chu
《百分百感覺》係漫畫家劉雲傑嘅原創漫畫，故事以香港為背景，刻劃錯綜複雜嘅現代都市愛情，曾於○八年獲得日本外務省頒發第二屆「國際漫畫獎最優秀獎」，揚名海外。一套六枚郵票以漫畫中嘅主角為題材，喺灰色外框及漫畫黑白背景嘅襯托下，擁鮮明色彩嘅漫畫角色更顯突出。十蚊及二十蚊郵票小型張分別以漫畫封面作郵票設計，背景則取材自故事開端時，男主角許樂及Jerry與女主角Cherie初遇嘅經典情節。二十蚊郵票小型張嘅左方加上磨砂油墨以模擬漫畫嘅印刷效果，同時亦加上光漆凸顯故事人物。各郵政局將由本月十六日起發售依套特別郵票及相關郵品，粉絲唔好錯過呀！
Kelly Chu
更多文章
