Executive日記——葉劉睇《梅艷芳》 坐時光機緬香江
KellyChu
2021-10-30 04:17
字體大小
行會成員葉劉淑儀一向予人硬朗感覺，佢喺fb搖身一變為影評人，講到佢早前睇咗《梅艷芳》慈善優先場，大讚呢位「香港的女兒」重情義，最享受係透過電影「坐時光機」，再次懷緬老香港。Kelly都覺得拍出香港情懷嘅電影係份外感人。
葉太話電影透過特效，將已拆卸嘅荔園、利舞臺以及佐敦妙麗中心等，一幕幕老香港面貌呈現係觀眾眼前，而佢住喺港島多年，經常流連銅鑼灣波斯富街一帶，對佢嚟講真係既感觸又深刻。佢話有人講呢套戲第一位主角係梅姐，第二位主角係香港。梅艷芳係一位具感染力嘅演員，葉太話有一齣會再三重看嘅電影，就係佢同張國榮合演嘅《胭脂扣》，堪稱絕配。而電影標榜梅艷芳係「香港的女兒」絕對實至名歸，例如其中一幕佢話視香港為根，公開表明九七年後不會移民。
電影講到梅艷芳曾直言「低潮是好事」，葉太意有所指話現今社會，又有多少人願意面對自己不足呢？對做事或從政嘅人要認真細味反思。
Kelly Chu
葉太話電影透過特效，將已拆卸嘅荔園、利舞臺以及佐敦妙麗中心等，一幕幕老香港面貌呈現係觀眾眼前，而佢住喺港島多年，經常流連銅鑼灣波斯富街一帶，對佢嚟講真係既感觸又深刻。佢話有人講呢套戲第一位主角係梅姐，第二位主角係香港。梅艷芳係一位具感染力嘅演員，葉太話有一齣會再三重看嘅電影，就係佢同張國榮合演嘅《胭脂扣》，堪稱絕配。而電影標榜梅艷芳係「香港的女兒」絕對實至名歸，例如其中一幕佢話視香港為根，公開表明九七年後不會移民。
電影講到梅艷芳曾直言「低潮是好事」，葉太意有所指話現今社會，又有多少人願意面對自己不足呢？對做事或從政嘅人要認真細味反思。
Kelly Chu
更多文章
