商界講呢啲——同港隊乒乓精英互動
Cally
2021-11-04 04:52 HKT
字體大小
今年港隊乒乓喺奧運攞到相當好嘅成績啊！據小妹所知，裏面大部分出戰嘅正選都係喺「恒生乒乓球學院」畢業，加上今年係恒生銀行同香港乒乓總會攜手推動乒乓發展嘅三十周年，所以喺上個星期六去咗恒生同乒總喺奧海城搞嘅「恒生乒乓球學院．全民乒乓嘉年華」。
嗰日港隊乒乓教練李靜同高禮澤，同埋代表隊嘅杜凱琹、蘇慧音、李皓晴、黃鎮廷、林兆恒同何鈞傑都有出席，仲同現場嘅市民有近距離接觸同互動，又分享咗比賽嗰陣嘅經歷同得著。最正嘅係代表隊同教練嘅友誼賽，一邊係昔日嘅乒乓孖寶，一邊係而家港隊嘅一姐同大師兄，睇到好似奧運嗰陣咁！
嘉年華仲播咗三十週年嘅紀念片，睇住香港乒乓嘅發展同好多熟悉嘅面孔，小妹都覺到好感動。嘉年華仲有個展覽show咗啲同香港乒乓發展歷史有關嘅珍藏品，好似有刊物、相、獎杯同運動員嘅個人物品，真係好珍貴，好難得！現場仲有好多同乒乓有關嘅遊戲，小妹最鍾意玩嗰個VR乒乓挑戰，仲同咗代表隊嘅人像打卡。
Cally
■恒生銀行分行網絡業務主管袁妙齡女士（後排左二）、商務理財業務總監何詠儀女士（後排右二）、香港乒乓總會主席余國樑先生（後排中間）與香港乒乓球代表隊成員和教練團合照。
嗰日港隊乒乓教練李靜同高禮澤，同埋代表隊嘅杜凱琹、蘇慧音、李皓晴、黃鎮廷、林兆恒同何鈞傑都有出席，仲同現場嘅市民有近距離接觸同互動，又分享咗比賽嗰陣嘅經歷同得著。最正嘅係代表隊同教練嘅友誼賽，一邊係昔日嘅乒乓孖寶，一邊係而家港隊嘅一姐同大師兄，睇到好似奧運嗰陣咁！
嘉年華仲播咗三十週年嘅紀念片，睇住香港乒乓嘅發展同好多熟悉嘅面孔，小妹都覺到好感動。嘉年華仲有個展覽show咗啲同香港乒乓發展歷史有關嘅珍藏品，好似有刊物、相、獎杯同運動員嘅個人物品，真係好珍貴，好難得！現場仲有好多同乒乓有關嘅遊戲，小妹最鍾意玩嗰個VR乒乓挑戰，仲同咗代表隊嘅人像打卡。
Cally
更多文章
