Executive日記——頭馬獎金逾1400萬 累積十九捷佳績 馬王「金鎗六十」又贏一哩錦標
KellyChu
2021-12-13 00:00 HKT
字體大小
浪琴表香港國際賽事昨日喺沙田馬場舉行，四項草地國際一級賽同日上演，途程由一千二百米至二千四百米，總獎金高達一億元。賽前大熱門「金鎗六十」擊敗一眾對手，順利衞冕香港一哩錦標，贏得頭馬獎金一千四百八十二萬元，而且累積咗十九場勝仗，成為香港賽馬史上贏馬最多嘅賽駒。好多馬迷都睇直播為「金鎗六十」打氣，當佢勝出，好多人歡呼喝彩。
浪琴表香港一哩錦標吸引咗十一匹嚟自日本、愛爾蘭同香港代表參加角逐，「金鎗六十」排喺第二檔，佢出閘之後，雖然沿途留喺後列位置，不過轉彎入直路個陣，騎師何澤堯發力上前，喺二百米個度率先彈出，仲愈跑愈有，最終拋離亞軍「幸福笑容」（香港代表）近兩個馬位，贏得頭馬獎金一千四百八十二萬元。另外，日本代表「戰舞者」同「后土」就分別跑入第三、第四位。
六歲嘅「金鎗六十」喺一九年三月起，喺香港出賽二十次，一共取得十九捷佳績，最近十六場更係連捷。佢係香港賽馬自一九七一年職業化以來，首匹拿到十九場冠軍嘅賽駒。另外，「金鎗六十」o依家只要再贏一仗，就可追平香港傳奇賽駒「精英大師」嘅十七場連勝紀錄。
Kelly Chu
浪琴表香港一哩錦標吸引咗十一匹嚟自日本、愛爾蘭同香港代表參加角逐，「金鎗六十」排喺第二檔，佢出閘之後，雖然沿途留喺後列位置，不過轉彎入直路個陣，騎師何澤堯發力上前，喺二百米個度率先彈出，仲愈跑愈有，最終拋離亞軍「幸福笑容」（香港代表）近兩個馬位，贏得頭馬獎金一千四百八十二萬元。另外，日本代表「戰舞者」同「后土」就分別跑入第三、第四位。
六歲嘅「金鎗六十」喺一九年三月起，喺香港出賽二十次，一共取得十九捷佳績，最近十六場更係連捷。佢係香港賽馬自一九七一年職業化以來，首匹拿到十九場冠軍嘅賽駒。另外，「金鎗六十」o依家只要再贏一仗，就可追平香港傳奇賽駒「精英大師」嘅十七場連勝紀錄。
Kelly Chu
最Hit
長壽飲食｜92歲婆婆教跳舞不言休 公開6大長壽習慣 早餐必吃這食物！
2025-04-28 10:41 HKT
謝霆鋒演唱會2025｜「TVB三億駙馬」與謝霆鋒曾是出生入死「兄弟」 撞期開騷台上嘆：你哋唔睇謝霆鋒嚟睇我
2025-04-27 18:00 HKT
更多文章
