Executive日記——善心人摺幸運星 為弱勢社群籌逾百萬
KellyChu
2021-12-15 13:58 HKT
字體大小
香港打破「世界最多紙摺幸運星展示」世界紀錄！一班有心人用咗五個幾鐘，合力摺咗五萬多粒幸運星，粒粒都要經鑑定，符合大細和形狀先得，咁辛苦，全為做善事，為弱勢社群籌募咗超過一百萬元。
由《萬愛慈善服務》、《愛拼人生》聯合主辦嘅《星夢傳奇全幸有您》摺幸運星慈善籌款活動，日前喺九龍灣國際展貿中心圓滿舉行，由醫生高永文為大會亮燈，《星夢傳奇》榮譽籌委會主席、慈善女皇趙曾學韞、萬愛慈善服務主席王見龍，愛拼人生主席張綺媚、九龍城民政事務專員蔡敏君仁濟醫院、仁濟醫院董事局副主席葉恭正博士等同主禮，冀藉摺幸運星打破世界紀錄，以愛傳愛，除咗嘉許醫護人員及各界抗疫英雄，同時為弱勢社群籌募支援基金，仁濟醫院、善學晨曦行動等都有份受惠，目前共籌得一百萬港元。
打破日本紀錄
活動喺健力士大中華區認證官見證下，五百五十位志願者，包括幼稚園四、五歲嘅小朋友、八十多歲嘅大朋友，及傷健朋友等齊心合力下，用咗五個幾鐘，摺成五萬○二百四十四粒經嚴格標準鑑定嘅幸運星，打破日本長野縣下伊納阿智村，喺今年三月時創下四萬四千一百三十六粒嘅「世界最多紙摺幸運星展示」世界紀錄，令人非常感動呀！
Kelly Chu 
最Hit
灣仔靚裝酒樓特價點心$7起！歎鯪魚球/蝦餃皇/蟹籽燒賣 網民大讚「平過深圳」
2025-04-29 11:00 HKT
小心！八達通離奇收款$500 伴隨威嚇退款電話 事主求救網民疑新型騙局 官方回應教咁處理｜Juicy叮
2025-04-29 13:16 HKT
馬場浮世繪｜黎昭昇擬申請調倉換副練
19小時前
更多文章
