查小欣 - 瓦罉飯｜查乜料
查小欣
2022-05-05 00:00 HKT
字體大小
很久沒用電飯煲煮飯，用瓦罉煲飯，真正的「自主」，自己控制火候，飯軟些硬些自己話事。瓦罉煲的飯夠亁身，粒粒分明，有嚼口，飯味更香，又可即興炮製飯焦用來撈蒸魚魚汁、咖喱汁、泡湯，戒澱粉質的朋友來作客，都抵受不住飯香誘惑大破飯戒。
用瓦罉煲飯比想像中容易，先用猛火將飯水煲滾，然後打開煲蓋用匙將米攪圈，以防黐底（黐底是煲燶飯，與香脆飯焦有別），再將大火轉細火至飯水收乾，原封不動等十分鐘，打開煲蓋，飯香四溢。如要香脆飯焦，要在飯水收乾前，沿着煲邊均勻滑下少許生油，開大火一分鐘，助油滾熱令飯焦香脆，然後轉細火收乾飯水，煲底便有一層薄薄香口飯焦，垂涎。習慣用電飯煲會覺得用瓦罉煲飯要睇火，不方便。其實只要一邊炒菜，一邊煲飯，煮好兩個小菜，飯便煲好，飯菜都熱辣辣上枱。
特別喜歡瓦罉煲飯，因是兒時的味道。唸小學時家境一般，一家四口租住如現在的劏房，與包租婆一家和幾個租客共用一個廚房和廁所。媽媽愛打麻將，經常開早場，我唸下午班，要自己煮早飯吃，那年代未有石油氣或煤氣，要用火水爐煮食，火水爐很麻煩，要經常換燈沁、添火水，煮食前要透爐，未夠十歲的我已很熟手。為省時，在飯面蒸一碟豆豉醬油大青椒送飯，填飽肚上學去。
最近學會一個養生食法，用有強健身體、預防感冒、增強人體免疫力功效的羊肚菌煲飯，米用朋友送的五常大米，相得益彰。先將羊肚菌剪成絲，加上羗絲，煲飯時放入飯中，吃時灑上少許生抽提味，飯香菌香，不用佐以任何餸菜可吃一大碗。當然是用瓦罉煲。
查小欣
用瓦罉煲飯比想像中容易，先用猛火將飯水煲滾，然後打開煲蓋用匙將米攪圈，以防黐底（黐底是煲燶飯，與香脆飯焦有別），再將大火轉細火至飯水收乾，原封不動等十分鐘，打開煲蓋，飯香四溢。如要香脆飯焦，要在飯水收乾前，沿着煲邊均勻滑下少許生油，開大火一分鐘，助油滾熱令飯焦香脆，然後轉細火收乾飯水，煲底便有一層薄薄香口飯焦，垂涎。習慣用電飯煲會覺得用瓦罉煲飯要睇火，不方便。其實只要一邊炒菜，一邊煲飯，煮好兩個小菜，飯便煲好，飯菜都熱辣辣上枱。
特別喜歡瓦罉煲飯，因是兒時的味道。唸小學時家境一般，一家四口租住如現在的劏房，與包租婆一家和幾個租客共用一個廚房和廁所。媽媽愛打麻將，經常開早場，我唸下午班，要自己煮早飯吃，那年代未有石油氣或煤氣，要用火水爐煮食，火水爐很麻煩，要經常換燈沁、添火水，煮食前要透爐，未夠十歲的我已很熟手。為省時，在飯面蒸一碟豆豉醬油大青椒送飯，填飽肚上學去。
最近學會一個養生食法，用有強健身體、預防感冒、增強人體免疫力功效的羊肚菌煲飯，米用朋友送的五常大米，相得益彰。先將羊肚菌剪成絲，加上羗絲，煲飯時放入飯中，吃時灑上少許生抽提味，飯香菌香，不用佐以任何餸菜可吃一大碗。當然是用瓦罉煲。
查小欣
最Hit
中環爆紅「珍姐海鮮火鍋飯店」突預告結業！被封「香港最難訂位」食店 捱唔住貴租？老闆親解執笠原因
2025-03-14 17:24 HKT
70年老店賣發霉椰子？網民求換貨遭店主反駁「成箱100％都係咁」 背後理由竟是......
2025-03-14 14:44 HKT
更多文章
