曾智華 - 《頭條日報》間接行善｜祿祿無窮
曾智華
2022-07-22 00:00 HKT
字體大小
未寫《頭條日報》前，真的，從不知道這份免費報紙有如此大的滲透力及威力。
簡單，一個月前，小弟在此推介前傳媒人「奮鬥J」入口的愛文芒，指其用牛奶做肥料，故果實有陣陣奶香。專欄見報當日朝早，勁誇張，「奮鬥J」手機爆炸，存貨火速冇清光！
另外，個半月前，也曾推介土瓜灣浙江街與馬頭圍道交界的「老上海」，家庭式細細間，來自上海的蘇大媽天天親手包新鮮水餃。
結果，佢個仔小蘇（老闆）回報：「碌Sir，好誇張，生客四方八面湧來，不少更聲稱由新界搭港鐵過嚟！（如今好方便，因有咗土瓜灣站） 真係幾夢幻下！」
小蘇覺得突然「天降橫財」，有點「受之有愧」，於是，決定將部份盈利捐出，回饋區內弱勢社群及長者。於是，就在上星期做咗一天免費派送活動，預先與母親蘇大媽包呀包，包大量水餃及雲吞，然後透過地區社工通知需要者到取。
上周傳來幾張相，一家大細出動包水餃、放湯、打包，再在小店門口逐一派發，不少街坊竟坐輪椅而來（見圖）。
「碌Sir，若果冇你推介，冇《頭條日報》報道我呢間蚊型店，點會有區外人知吖。如今，你幫我，我幫人，也是一個善心循環！拜託你通知頭條老編，代小弟及家母誠心致謝！」
寫本欄，全部順心順筆而出，根本冇任何其他前設動機。如今可間接行善，真係過癮！
曾智華
簡單，一個月前，小弟在此推介前傳媒人「奮鬥J」入口的愛文芒，指其用牛奶做肥料，故果實有陣陣奶香。專欄見報當日朝早，勁誇張，「奮鬥J」手機爆炸，存貨火速冇清光！
另外，個半月前，也曾推介土瓜灣浙江街與馬頭圍道交界的「老上海」，家庭式細細間，來自上海的蘇大媽天天親手包新鮮水餃。
結果，佢個仔小蘇（老闆）回報：「碌Sir，好誇張，生客四方八面湧來，不少更聲稱由新界搭港鐵過嚟！（如今好方便，因有咗土瓜灣站） 真係幾夢幻下！」
小蘇覺得突然「天降橫財」，有點「受之有愧」，於是，決定將部份盈利捐出，回饋區內弱勢社群及長者。於是，就在上星期做咗一天免費派送活動，預先與母親蘇大媽包呀包，包大量水餃及雲吞，然後透過地區社工通知需要者到取。
上周傳來幾張相，一家大細出動包水餃、放湯、打包，再在小店門口逐一派發，不少街坊竟坐輪椅而來（見圖）。
「碌Sir，若果冇你推介，冇《頭條日報》報道我呢間蚊型店，點會有區外人知吖。如今，你幫我，我幫人，也是一個善心循環！拜託你通知頭條老編，代小弟及家母誠心致謝！」
寫本欄，全部順心順筆而出，根本冇任何其他前設動機。如今可間接行善，真係過癮！
曾智華
最Hit
居深圳美國人遊港呻「巔峰期已過」 城市擁擠/服務態度冷漠 惟對1地方讚不絕口：城市中的一片淨土
2025-04-29 17:48 HKT
深圳K11 ECOAST開始試業！23萬平方米空間曝光 港深直通巴/地鐵/搭船直達（附交通/商舖/食肆詳情）
2025-04-29 18:10 HKT
移英女星嘆娛圈婚姻多數是悲劇？與老公炒大鑊街頭對峙逾10分鐘 早被朋友叮囑去外地生活拗撬爆燈
2025-04-29 19:00 HKT
更多文章
