曾智華 - 一於瞓身買銀債｜祿祿無窮
曾智華
2022-08-16 00:00
字體大小
喂喂，我話我咋，冇叫你照做啊！香港咁多投資叻仔叻女、少年股神、網上專家……全部「戰績輝煌」，小弟絕不敢教人。
只不過，見證今年個個有頭有面的真正股神級人馬，全部蝕到一仆一碌，故才自己提醒自己，千祈咪亂博，一於撳地游水，將所有閒錢瞓落銀債。起碼未來三年，年年坐收最少四厘或以上利息，晚晚可以大覺瞓，只諗收到的息用嚟玩乜矣。
歷史上從未見過似今年咁，個個專家全部輸到瞓街。金管局唔使講嘞，用晒最好的國際頂級基金經理，仍然上半年蒸發一千四百四十七億（港元，下同）。
多年來，一直俾人神咁拜的軟銀創辦人孫正義，又係蝕到喊，受「新科技股」（大陷阱！）拖累，上季狂蝕一千八百三十八億，真係眼光光似被迫灌豬肉湯，嚇到捧場客目瞪口呆。
股神巴菲特又如何？第二季真係仆到直，蝕五千二百億。
連股神都搞成咁，等而下之的「乜乜女股神」Cathie Wood，可思過半矣。
小弟二十年前已被某智者扑醒——記住，切勿成日掛住投資。因為，大部份時候，唔投資就是最佳投資，起碼立於不敗之地！
人，有錢就會身痕，既然唔投資會似有蟻咬 （我都有少少㗎！），咁，為策「棺材本」安全，一於下周全將閒錢瞓落銀債。然後，冬眠一年，睇睇個世界變成點先。
曾智華
只不過，見證今年個個有頭有面的真正股神級人馬，全部蝕到一仆一碌，故才自己提醒自己，千祈咪亂博，一於撳地游水，將所有閒錢瞓落銀債。起碼未來三年，年年坐收最少四厘或以上利息，晚晚可以大覺瞓，只諗收到的息用嚟玩乜矣。
歷史上從未見過似今年咁，個個專家全部輸到瞓街。金管局唔使講嘞，用晒最好的國際頂級基金經理，仍然上半年蒸發一千四百四十七億（港元，下同）。
多年來，一直俾人神咁拜的軟銀創辦人孫正義，又係蝕到喊，受「新科技股」（大陷阱！）拖累，上季狂蝕一千八百三十八億，真係眼光光似被迫灌豬肉湯，嚇到捧場客目瞪口呆。
股神巴菲特又如何？第二季真係仆到直，蝕五千二百億。
連股神都搞成咁，等而下之的「乜乜女股神」Cathie Wood，可思過半矣。
小弟二十年前已被某智者扑醒——記住，切勿成日掛住投資。因為，大部份時候，唔投資就是最佳投資，起碼立於不敗之地！
人，有錢就會身痕，既然唔投資會似有蟻咬 （我都有少少㗎！），咁，為策「棺材本」安全，一於下周全將閒錢瞓落銀債。然後，冬眠一年，睇睇個世界變成點先。
曾智華
最Hit
稻香旗下酒樓「火鍋+燒肉放題」優惠！$99.9起和牛/生蠔/啤酒任飲任食 生日當月75折
2025-01-09 17:08
43歲樂壇一哥坐700萬勞斯萊斯代步！出道逾20年戶口曾剩3000元捱麵包度日
2025-01-08 13:00
更多文章
