Jacky哥 - 百多年前一場挑戰，煤氣公司轉危為機？｜企業熱話
Jacky哥
2022-12-19 00:00
字體大小
同身邊不少公司企業的管理層見面，慨嘆世界變得咁快，一個唔覺意隨時飛來橫禍，令到成間公司冇咗！煤氣公司企業ESG總監楊松坤（Isaac）就跟我分享，煤氣公司喺應對危機方面嘅經驗，包括一次死過番生嘅故事，好值得同大眾分享。
煤氣時代差啲要結束？
1862年煤氣公司成立之初，當時公司得到香港政府授權，可以提供照明服務，500盞煤氣燈一夜間成為中環一帶最勁嘅光源，點亮香港，逐漸取代油燈。但好景不常，20年後電力照明出現，嚴重威脅煤氣燈嘅地位。
但煤氣公司絕處逢生，轉而開拓「煤氣明火煮食」同「供熱」市場，殺出一條血路。經此一役，煤氣公司上下都明白到「變幻才是永恆」，任何時候都應該未雨綢繆，與時並進，做好準備。時至今日，同樣嘅邏輯話比公司知，要發展和擴展業務，ESG（Environmental, Social and Governance）係至關重要。
氣候變化，隨時令公司一夜蒸發？
全球暖化愈嚟愈嚴重，Isaac記得2017、2018年時，加州天氣比以前更乾燥，有電纜被強風吹冧，搞到短路走火，迅速釀成森林大火，仲令到電力公司太平洋瓦電因為損失過大而宣佈破產。所以話，氣候劇變其實真係有可能間接導致一間公司倒閉。
早喺10年前，Isaac喺北京舉辦咗個「企業社會責任高峰論壇」，發佈燃氣業務嘅企業社會責任報告範本比內地嘅合資企業參考，鼓勵大家重視ESG，所以之後果年大家就每年都會發表報告匯報自己公司嘅相關情況。近期Isaac亦為咗方便各部門交數同設立目標，整合咗六大ESG評級機構報告嘅要求，令到所有ESG準則一目了然。為咗推動各界共同協作，煤氣公司喺上月舉辦「ESG高峰論壇」，一次過集中討論環境、社會同管治三方面，希望帶動上下游一齊做好ESG。
煤氣大埔廠房有機會水浸？
煤氣公司唔止關注氣候變化，仲關心生物多樣性，早前發佈咗一份《氣候相關及自然相關指導文件》，成為全港首第一家就TNFD（自然相關財務披露）發佈指導文件嘅企業。煤氣公司篩選出有可能受氣候變化影響嘅廠房之後，會做個初步評估，辨別潛在風險。另外又會列出研究數據說明點樣應對同氣候相關嘅風險。例如如果因為水位上升同惡劣天氣而水浸，煤氣公司大埔廠房都浸埋，咁會有幾多損失，又會點樣去應對呢個危機。
Isaac表示佢要時刻留意住全球嘅ESG趨勢，提前幫公司制訂應對方案，同埋與各個部門攜手合作，等公司唔單止喺氣候變化同生物多樣性議題上防患於未然，更重要係喺環境工作同良好管治上都不斷進步，愈做愈好。
Jacky哥
能源百科
面書專頁
煤氣時代差啲要結束？
1862年煤氣公司成立之初，當時公司得到香港政府授權，可以提供照明服務，500盞煤氣燈一夜間成為中環一帶最勁嘅光源，點亮香港，逐漸取代油燈。但好景不常，20年後電力照明出現，嚴重威脅煤氣燈嘅地位。
但煤氣公司絕處逢生，轉而開拓「煤氣明火煮食」同「供熱」市場，殺出一條血路。經此一役，煤氣公司上下都明白到「變幻才是永恆」，任何時候都應該未雨綢繆，與時並進，做好準備。時至今日，同樣嘅邏輯話比公司知，要發展和擴展業務，ESG（Environmental, Social and Governance）係至關重要。
氣候變化，隨時令公司一夜蒸發？
全球暖化愈嚟愈嚴重，Isaac記得2017、2018年時，加州天氣比以前更乾燥，有電纜被強風吹冧，搞到短路走火，迅速釀成森林大火，仲令到電力公司太平洋瓦電因為損失過大而宣佈破產。所以話，氣候劇變其實真係有可能間接導致一間公司倒閉。
早喺10年前，Isaac喺北京舉辦咗個「企業社會責任高峰論壇」，發佈燃氣業務嘅企業社會責任報告範本比內地嘅合資企業參考，鼓勵大家重視ESG，所以之後果年大家就每年都會發表報告匯報自己公司嘅相關情況。近期Isaac亦為咗方便各部門交數同設立目標，整合咗六大ESG評級機構報告嘅要求，令到所有ESG準則一目了然。為咗推動各界共同協作，煤氣公司喺上月舉辦「ESG高峰論壇」，一次過集中討論環境、社會同管治三方面，希望帶動上下游一齊做好ESG。
煤氣大埔廠房有機會水浸？
煤氣公司唔止關注氣候變化，仲關心生物多樣性，早前發佈咗一份《氣候相關及自然相關指導文件》，成為全港首第一家就TNFD（自然相關財務披露）發佈指導文件嘅企業。煤氣公司篩選出有可能受氣候變化影響嘅廠房之後，會做個初步評估，辨別潛在風險。另外又會列出研究數據說明點樣應對同氣候相關嘅風險。例如如果因為水位上升同惡劣天氣而水浸，煤氣公司大埔廠房都浸埋，咁會有幾多損失，又會點樣去應對呢個危機。
Isaac表示佢要時刻留意住全球嘅ESG趨勢，提前幫公司制訂應對方案，同埋與各個部門攜手合作，等公司唔單止喺氣候變化同生物多樣性議題上防患於未然，更重要係喺環境工作同良好管治上都不斷進步，愈做愈好。
Jacky哥
最Hit
更多文章
